Read Plautdietsch (Low German) – De Bibel Psalmen 29 Bible Online

Psalmen 29 - Plautdietsch (Low German) – De Bibel bible

Psalmen 29

¹Eent von David siene Psalmen. Brinjt dän HARN, jie jewaultje, brinjt dän HARN Iea un Krauft.

²Jäft dän HARN de Iea, dee sienen Nomen traft. Komt heilich un straum, dän HARN auntobäden.

³Dän HARN siene Stemm es äwa aulet Wota; de harlicha Gott rummelt, de HAR, äwa de groote Wotasch.

⁴Dän HARN siene Stemm jeit met Macht; dän HARN siene Stemm jeit harlich.

⁵Dän HARN siene Stemm vebrakjt de Zeeda; de HAR brakjt de Zeeda von Libanon en Stekja.

⁶Hee moakt dän Libanon sprinjen soo aus een Kaulf, un Hermon soo aus een jungen willen Boll.

⁷Däm HARN siene Stemm strolt Fiaflaumen.

⁸Däm HARN siene Stemm scheddat de Wiltnis, de HAR scheddat de Kadesch Wiltnis.

⁹Derch dän HARN siene Stemm schmieten de Reekjieej äare Kjalwa, un dee streept en de Welda de Bläda von de Beem; un en sienen Tempel schricht aulemaun: Gott auleen sie jeieet!

¹⁰De HAR sett opp däm Troon äwa de Äwaschwamunk; de HAR es opp emma aus Kjennich jekjreent.

¹¹De HAR woat sien Volkj Krauft jäwen! De HAR woat sien Volkj met Fräd säajnen.