Read Plautdietsch (Low German) – De Bibel Psalmen 36 Bible Online

Psalmen 36 - Plautdietsch (Low German) – De Bibel bible

Psalmen 36

¹Een Psalm von David, dän HARN sien Deena, väatosinjen.

²De Sind rät bestendich en däm gottloosen sien Hoat. Hee kaun nich seenen, wuarom hee Gott ferchten saul.

³Hee helt soo väl von sikj selfst, daut hee jleeft siene Sind kaun nich utjefungen un vestat woaren.

⁴Waut hee rät es faulsch un jeloagen; hee haft oppjehieet weis to sennen un goodet to doonen.

⁵Soogoa em Bad plont hee beeset, un jeft sikj een sindjen Wajch han; hee lat sikj uk nich trajchtwiesen goodet to doonen.

⁶Oba diene truhoatje Leew, oo HAR, rieekjt bat aum Himmel, un diene Woarheit, soo wiet aus de Wolkjen gonen.

⁷Diene Jerajchtichkjeit es soo aus Gott siene Boaj, un diene Jerechten, soo aus daut groote deepe Mäa. Un du, oo HAR, halpst Menschen un Vee.

⁸Daut es väl wieet daut du soo leeftolich best; de Menschenkjinja komen bie die unja de Flichten em Schauten stonen.

⁹Dee erjazen sikj aun dän gooden Väarot en dien Hus, un du jefst an von dän Stroom to drinkjen, dee die jefelt.

¹⁰Wiels du best dee, von däm aulet Läwen kjemt; en dien Licht see wie daut Licht.

¹¹Oo bliew met diene truhoatje Leew bie dee, dee die kjanen, un bliew met diene Jerajchtichkjeit, bie dee, dee em Hoat opprechtich sent.

¹²Lot de stolte mie nich unja de Feet kjrieen, un lot mie nich von gottloose Haunt wajch jejoacht woaren.

¹³See woo de beese jefollen ligjen, dee sent doljeschmäten un kjennen nich opp.