Read Plautdietsch (Low German) – De Bibel Psalmen 43 Bible Online

Psalmen 43 - Plautdietsch (Low German) – De Bibel bible

Psalmen 43

¹Gott, doo du mie rechten un ver dit onheilje Volkj rajchtfoadjen, un rad mie von de ojjerajchte Menschen, dee mie veleiden wellen.

²Du best de Gott no wäm ekj mie kjia; wuarom hast du mie vestat? Wuarom latst du mie soo doljedrekjt sennen, wan mien Fient mie drenjt?

³Schekj dien Licht un diene Woarheit; lot dee mie no dienen heiljen Boajch Zion, no dienen Tempel brinjen.

⁴Dan woa ekj no Gott sienen Aultoa gonen, no dän Gott, dee mie froo moakt. Doa woa ekj am met Hoapenspell ieren.

⁵Miene Seel, wuarom best du soo doljeschloagen, un wuarom best du soo orruich en mie? Velot die opp Gott, wiels ekj woa am noch danken, daut hee mien Gott un Heilant es.