Read Plautdietsch (Low German) – De Bibel Psalmen 46 Bible Online

Psalmen 46 - Plautdietsch (Low German) – De Bibel bible

Psalmen 46

¹Een Jugentleet von Korach siene Säns, väatosinjen.

²Gott es onse Tooflucht uk onse Krauft. Hee es eene jewenschte Help en groote Noot.

³Doawäajen woa wie ons nich ferchten, un wan de Welt sikj uk wudd omdreien un de Boaj em Mäa vesinkjen.

⁴Wan de Wotasch uk aunschwalen, ruzhen un schumen, daut de Boaj doavon schedren, doawäajen woa wie ons noch nich ferchten.

⁵Doa es een Stroom, to däm Gott siene Staut sikj freit; daut es de heilje Städ, wua de Aulahechsta wont.

⁶Gott es en dee Staut, doawäajen woat dee secha bliewen; Gott woat dee halpen, wan daut zemorjes aunfangt to doagen.

⁷De Velkja tooben un de Kjennichsrikjs faulen; de Ieed mott vegonen, wan hee sikj hieren lat.

⁸De HAR, dee aules rejieet, es met ons; Jakob sien Gott es onse Tooflucht.

⁹Komt, bekjikjt emol dän HARN siene Woakjen un de Vestimlunk, dee hee oppe Ieed aunjerecht haft;

¹⁰dee en aule Welt met aulem Kjrich een Enj moakt; dee de Boages tweibrakjt un de Spiessen tweischleit un de Kjrichswoages met Fia vebrent.

¹¹Siet stell un seet en, daut ekj Gott sie. Ekj woa manke Velkja jeieet woaren. Ekj woa oppe Ieed Aunerkjanunk haben.

¹²De HAR, dee aules rejieet, es met ons; Jakob sien Gott es onse Tooflucht.