Read Plautdietsch (Low German) – De Bibel Psalmen 5 Bible Online

Psalmen 5 - Plautdietsch (Low German) – De Bibel bible

Psalmen 5

¹Eent von David siene Psalmen, met Fleetenspell väatosinjen.

²Oo HAR, horch no miene Wieed un moakj doaropp waut ekj saj!

³Horch, mien Gott un Kjennich, woo ekj om Help schrie. Ekj kom no die em Jebäd.

⁴Zemorjes hieescht du miene Stemm; doawäajen laj ekj die miene Sach väa un räakjen met eene Auntwuat, wan de Sonn oppjeit.

⁵Du best nich een Gott däm de Gottloosichkjeit jefelt; de Sinda kjennen ver die nich bestonen.

⁶De stolte kjennen nich en diene Jäajenwuat stonen; du vestatst aule Sinda.

⁷De Läajna brinjst du om. De blootdarschtje un veleidende Menschen kaun de HAR nich vedroagen.

⁸Ekj doaf derch diene truhoatje Leew en dien Hus nenn komen un die en Ieaforcht ver dienen heiljen Tempel aunbäden

⁹HAR, leid mie en diene Jerajchtichkjeit, om miene Fiend äat haulwen. Moak dienen Wajch ver mie jlikj.

¹⁰Dee räden nich een Wuat Woarheit, ennalich sent see enjestalt opp en de Grunt brinjen. Äare Frät es soo äakjlich aus een opnet Grauf, un see heichlen met de Tung.

¹¹Spräakj an schuldich, Gott, daut see derch äa Väanämen tofaul komen. Schmiet dee met aul äare Äwaträdungen toop rut, wiels dee sent die wadaspanstich.

¹²Oba lot dee sikj freien, dee äa vetruen opp die saten. Lot dee emma met Freid sinjen, wiels du helst an secha. Lot dee sikj en die freien, dee dienen Nomen jieren haben,

¹³wiels secha säajenst du, HAR, de jerajchte. Du nemst diene Jnod gaunz om an, soo aus een Schilt.