Read Plautdietsch (Low German) – De Bibel Psalmen 54 Bible Online

Psalmen 54 - Plautdietsch (Low German) – De Bibel bible

Psalmen 54

¹Unjarecht von David, met Seidenspell väatosinjen,

²aus dee von Sif no Saul kjeemen un säden: David haft sikj bie ons vestoaken.

³Gott, rad mie derch dienen Nomen, un rajchtfoadj mie derch diene Jewault.

⁴Hia mien Jebäd, oo Gott, un horch waut ekj to sajen hab.

⁵Wiels stolte haben sikj jäajen mie jesat, un dee, dee Jewault eewen, stonen mie nom Läwen, Menschen, dee nich met Gott räakjnen.

⁶Oba seet mau, Gott steit mie bie, de Har helt miene Seel opprajcht.

⁷Hee woat miene Fiend fa äare Sinden trigjtolen. Wiels du tru best, brinj dee äwatsied!

⁸Ekj woa die met Freid een Opfa brinjen. Ekj woa dienen Nomen lowen, oo HAR, wiels du soo goot best.

⁹Wiels du hast mie ut aul miene Noot jeholpen, un miene Uagen hauden äare Lost doaraun, to seenen woo miene Fiend vespälden.