Read Plautdietsch (Low German) – De Bibel Psalmen 58 Bible Online

Psalmen 58 - Plautdietsch (Low German) – De Bibel bible

Psalmen 58

¹Een goldnet Jeschenkj von David, väatosinjen, daut hee nich omkjeem.

²Well jie Rechta werkjlich räden waut rajcht es? Doo jie de Menschen opprechtich rechten?

³Nä, em Hoat plon jie ojjerajcht to sennen em Launt, un gonen doaropp loos met june Henj Jewault ut to eewen opp de Ieed.

⁴De gottloose sent von Jeburt aun vekjieet; dee gonen von Muttalief aun opp Errwäaj un räden Läajes.

⁵Äa Jeft es aus Schlangenjeft, soo aus eene doowe Ottaschlang, dee sikj haft de Uaren toojestopt,

⁶daut see dän Zaubra siene Stemm nich hieren kaun, eendoont woo jeschekjt dee schmeichlen kaun.

⁷Gott, bräakj dän de Tänen em Mul twei; riet de junge Leiws de Väatänen ut de Frät.

⁸Lot dee veschwinjen, soo aus ranendet Wota. Wan see äare Boages utrakjen toom scheeten, dan lot äare Feilen onen Spetzkjap sennen.

⁹Lot dee vegonen, soo aus eene Goadenschnigj biem krupen veschmelt; soo aus wan een Kjint doot jebuaren woat, daut et de Sonn nich to seenen kjricht.

¹⁰Ea june Stachels aum Stachelstruck riep woaren, auf dee jreen ooda drieech sent, woaren de gottloose wajch jefäacht woaren.

¹¹De jerajchte woaren sikj freien, wan dee soone Rach seenen, un woaren sikj de Feet en de gottloose äa Bloot boden.

¹²Dan woaren de Menschen sajen: De jerajchte woaren bestemt äaren Loon kjrieen; doa es bestemt noch een Gott, dee de Ieed rechten deit.