Read Plautdietsch (Low German) – De Bibel Psalmen 61 Bible Online

Psalmen 61 - Plautdietsch (Low German) – De Bibel bible

Psalmen 61

¹Een Psalm von David, väatosinjen met Seidenspell.

²Gott horch woo ekj schrie, un auntwuat opp mien Jebäd!

³Von doa wua ekj oppe Ieed sie, woa ekj die aunroopen, wan mien Hoat en mie vezoacht es; nemm mie no dän Steen, dee doa hecha es aus ekj.

⁴Wiels du best miene Tooflucht, mien stoakja Torm jäajen miene Fiend.

⁵Ekj hab daut velangen eewich bie die to wonen un unja diene Flichten secha to sennen.

⁶Wiels du, Gott, hast jehieet, waut ekj vesproaken hab, un du hast mie daut Oafgoot jejäft, daut du fa dee hast dee dienen Nomen ferchten.

⁷Jeff dän Kjennich een langet Läwen un noch väle, väle Joaren.

⁸Mucht hee eewich opp däm Troon ver Gott bliewen. Sie to am truhoatich un leeftolich, daut et am secha helt.

⁹Dan woa ekj eewich met Leeda dienen Nomen lowen, daut ekj däachlich doo, waut ekj vesproaken hab.