Read Plautdietsch (Low German) – De Bibel Psalmen 63 Bible Online

Psalmen 63 - Plautdietsch (Low German) – De Bibel bible

Psalmen 63

¹Een Psalm von David, aus hee en Juda en de Wiltnis wia.

²Oo Gott, du best mien Gott, dän ekj sieekj. Miene Seel darscht no die; mien Kjarpa haft een velangen no die, soo aus utjedrieejdet Launt no Wota haft.

³Ekj sach die em Heilichtum, un hab diene Krauft un Harlichkjeit jeseenen.

⁴Wiels diene Leeftolichkjeit bäta es aus Läwen, woaren miene Leppen die veharlichen.

⁵Ekj woa die lowen soo lang aus ekj läw; un en dienen Nomen woa ekj miene Henj opphäwen.

⁶Miene Seel woat soo tofräd sennen aus wan met Moakjt un Fat sautjemoakt, un sinjent woa ekj die lowen.

⁷Wan ekj to Bad go, denkj ekj aun die, un wan ekj de Nacht waka ligj, denkj ekj aun die.

⁸Wiels du mien Helpa best, sinj ekj em Schauten unja diene Flichten.

⁹Miene Seel henjt aun die; diene rajchte Haunt helt mie opprajcht.

¹⁰Dee, dee mie nom Läwen stonen, woaren omkomen un woaren deep unjare Ieed nunja foaren, wua de Doodes sent.

¹¹Dee woaren hanjejäft woaren, derch daut Schwieet to faulen, un Fooda sennen fa de wille Hunj.

¹²Oba de Kjennich woat sikj en Gott freien. Wäa Gott sienen Nomen aunroopt, woat am lowen; de Läajna oba woat daut Mul jestopt woaren.