Read Plautdietsch (Low German) – De Bibel Psalmen 76 Bible Online

Psalmen 76 - Plautdietsch (Low German) – De Bibel bible

Psalmen 76

¹Een Psalmleet von Asaf, met Seidenspell väatosinjen.

²Gott es en Juda bekaunt, en Israel es sien Nomen groot.

³Hee wont en Jerusalem, siene Woninj es en Zion.

⁴Doa bruak hee de blitzende Feilen, de Schilten un Schwieed un de Kjrichsjewäaren.

⁵Du best harlicha un hecha erhowen aus de eewje Boaj.

⁶Stoakje Mana ligjen beraupt, un dee schlopen äaren latsten Schlop; nich een Kjrieja kaun siene Henj opphäwen.

⁷Wan du, Jakob sien Gott, schellen deist, ligjen de Pieed uk de Fuamana utjestrakjt stell.

⁸Eensich du best to ferchten. Wäa kaun ver die stonen, wan du doll best?

⁹Du latst dien Rechta Uadeel vom Himmel hieren. De Ieed fercht sikj un es stell,

¹⁰wan du, oo Gott, die oppmoakst to rechten un de unjadrekjte em Launt to raden.

¹¹Du woascht uk jeloft woaren wan Menschen ut Wutt jäajen die tooben; du kaust uk dee trigjhoolen, dee dien Oaja derchmoaken un dan en diene Wäaj gonen wellen.

¹²Moakt Gott dän HARN jun Vespräakjen, un hoolt daut uk. Lot aule Nobalenda däm Jeschenkjen brinjen, dee to ferchten es,

¹³dee de aunjestalde dän Moot nemt, un dän de Kjennichs opp de Ieed ferchten.