Read Plautdietsch (Low German) – De Bibel Psalmen 8 Bible Online

Psalmen 8 - Plautdietsch (Low German) – De Bibel bible

Psalmen 8

¹Eent von David siene Psalmen opp de Jittoa väatosinjen.

²Oo HAR, ons Har, woo harlich es dien Nomen en aule Lenda, du, dee em Himmel jeloft woascht!

³Kjinja un Brostkjinja sinjen die to lowen. Du hast eene Wäa oppjerecht, diene Fiend un de rachjieeje äwatsied to schaufen.

⁴Wan ekj dän Himmel see, dän diene Finjasch jemoakt haben, un de Mon un de Stierns, dee du häajestalt hast,

⁵waut es een Mensch, daut du aun am denkjst, een Menschenkjint, daut du die daut aunnemst?

⁶Du hast am nich väl weinja aus Gott jemoakt, un hast am met Iea un Harlichkjeit jekjreent.

⁷Du hast am jemoakt Har to sennen äwa daut, waut diene Henj jeschaufen haben; du hast am aules unja de Feet jelajcht,

⁸Schop un Rinda aulatoop, soogoa de wille Tieren,

⁹de Väajel en de Loft, de Fesch em Mäa, aules waut äare Wäaj em Mäa schwamt.

¹⁰HAR, ons Har, woo harlich es dien Nomen en aule Welt!