Read Plautdietsch (Low German) – De Bibel Psalmen 97 Bible Online

Psalmen 97 - Plautdietsch (Low German) – De Bibel bible

Psalmen 97

¹De HAR es Kjennich, lot daut Ieedrikj sikj freien, un lot de väle Inseln froo sennen.

²Dikje diestre Wolkjen sent om am, Jerajchtichkjeit un Jerecht sent de Grunt von wuarut hee rejieet.

³Ver am jeit een Fia, daut siene Fiend aun aule Sieden ombrinjt.

⁴Siene Blitzen dachen äwa de Welt; de Ieed sitt daut un scheddat.

⁵De Boaj veschmelten aus Waus ver däm HARN, ver däm Harn äwa de gaunze Welt.

⁶De Himmel moaken bekaunt, woo jerajcht hee es, un aule Velkja seenen, woo harlich hee es.

⁷Wäaemma Jettabilda aunbät un met siene Jetta pucht, woat toschaund; de Jetta motten aula Gott aunbäden.

⁸Zion hieet daut un es froo, un Juda siene Dajchta freien sikj uk, daut de HAR rajcht rechten deit.

⁹Wiels du, HAR, best de Aulahechsta äwa de gaunze Welt; du steist huach äwa aule Jetta.

¹⁰Jie, dee jie dän HARN goot sent, stalt junt jäajen daut beese! De Har bewoat siene heilje äare Seelen; hee rat an ut däm beesen siene Henj.

¹¹Dän jerajchten mott daut Licht emma wada oppgonen, un daut fromme Hoat mott froo woaren.

¹²Jie jerajchte, freit junt em HARN un dankt am fa aules waut hee deit.