Read Plautdietsch (Low German) – De Bibel Daut Leet 1 Bible Online

Daut Leet 1 - Plautdietsch (Low German) – De Bibel bible

Daut Leet 1

¹Daut scheenste Leet von Salomo <h>Daut ieeschte Leet</h> See

²Wan hee mie doch met sien Mul kussen wudd. Diene Leew es mie scheena aus Wien;

³du best enjeschmäat, un rikjst sea scheen. Dien Nomen es soo sea beleeft, aus daut Jeroch von vegotne Saulw; doawäajen mäajen de Mejales die.

⁴Nemm du mie met, well wie ranen. Ekj iea am aus mien Kjennich, un hee neem mie no sien Tus; daut jeit mie sea scheen, un ekj frei mie soo sea to die. Wan ekj denkj aun woo goot du mie best, dan bruck ekj kjeen Wien toom mie woamen. Die goot sennen es aulem leicht.

⁵Jie Mejales von Jerusalem, miene Hut es brun un doch straum; dee es dunkel aus de Zelten en Kedar, un soo schmock aus de Dakjen en Salomo sien Tempel.

⁶Kjikjt nich rauf opp mie, daut ekj soo dunkel sie. Miene Mutta äare Säns wieren mie bossich, see schekjten mie em Wiengoaden woaken, un soo woakt ekj nich en mienen Goaden, nu sie ekj von de Sonn enjebrent.

⁷Saj mie, mien scheensta, wua deist du diene Häad vondoag weiden? Wua woa jie junt opp Meddach dol lajen? Ekj well nich bie diene Frind äare Häaden romgonen, aus wan ekj nich weet waut ekj well. Wuarom sull ekj mie domm feelen, wan ekj bie aundre äare Häaden no die sieekj? Hee

⁸Weetst du noch nich wua, du schmokste? Weid diene junge Kosen, wua de Schop jegonen sent, nich wiet von de Hoads äare Zelten.

⁹Miene scheenste, mie lat et die krakjt soo schmock, aus de Kobbel aum ägiptischen Kjennich sien Woagen.

¹⁰Diene Baken sent schmock en de Krolkjes, un Kralen aum Haulsbaunt sent dach.

¹¹Ekj moak die een Haulsbaunt von Golt, wua noch selwane Städen bennen sent. See

¹²Mien Parfum wia nu wiet goot to rikjen, un mien Kjennich wia doa oppe Benkj.

¹³Mien scheensta es mie aun de Brost aus een Pakje von Mirren, soo scheen;

¹⁴aus de Bloomen dee dort en En Gedi emma steil en de Wiengoades stonen. Hee

¹⁵Oba die lat et soo schmock, miene scheenste, die lat et soo schmock, diene Uagen sent saunft aus ne Duw. See

¹⁶Ach mien Schauz, daut best du dee mie schmock lat, opp iernst sea schmock. Dise Städ es soo scheen dunkel jreen,

¹⁷un de Zeedaboom moakt ons daut Dak, un daut Loof von Ziepressen de Waunt.