Read Plautdietsch (Low German) – De Bibel Daut Leet 2 Bible Online

Daut Leet 2 - Plautdietsch (Low German) – De Bibel bible

Daut Leet 2

¹See Aus ne Bloom oppe Stapen en Scharon un ne Lelje em Tol, daut sie ekj. Hee

²Aus ne Lelje mank Spekjakrut, saj ekj, es mien Schauz mank de Mejales em Darp. See

³Aus een Boom seete Frucht en een Woolt, es mien Schauz mank de Junges em Darp. En sien Schauten sie ekj sea jieren, siene Frucht es soo seet en mien Mul.

⁴Hee jeft mie dän Wien von sien Kjala, un wiest mie woo goot hee mie es.

⁵Jeff mie Rasienen un Apel, ekj sie krank, soo velang ekj diene Leew.

⁶Siene linkje Haunt helt mienen Kopp, un de rajchte drekjt mie aun am naun.

⁷Vespräakjt mie, Mejales von Jerusalem, bie daut Ree un Gazell oppe Stap, daut jie dee, wäa sikj goot sent, nich stieren, bat see nuach haben von äare Leew. <h>Daut tweede Leet</h> See

⁸Daut es mien Schauz siene Stemm. Horch emol! Hee kjemt nu no mie! hee rant un hee sprinjt derch de Boaj.

⁹Mien Schauz lat soo schmock aus een Ree, aus een junga. Hee steit je doa hinja de Waunt; nu kjikjt hee em Fensta, un zielt derch de Lod.

¹⁰Mien Schauz säd to mie: Hee Komm, komm mien Schauz, du scheenste, komm met.

¹¹Kjikj bloos, de Winta es wajch, un de Räajen es foadich, vebie.

¹²Doa sent Bloomen runt om, un daut Launt sinjt un somt; un daut kurren von Duwen en ons Launt es soo scheen.

¹³De Frucht aun däm Fiejenboom riept, un daut Wiendruwen Blieechsel rikjt scheen. Komm, komm, mien Schauz du scheenste, komm met.

¹⁴Mien Dufkje mank de Steena, em vestäakj opp däm Eewa. Komm wies mie die doch, lot mie hieren waut du sajchst; diene Stemm es soo scheen, un die lat et soo schmock.

¹⁵Jriept ons de Fas, dee kjliene, waut dän Goaden vedoawen, wiels ons Wiengoaden blieecht. See

¹⁶Mien Schauz jehieet mie, un ekj jehia am. Hee erjazt sikj aun de Lelje.

¹⁷Ea de Morjen aunkjemt un de Schauten veschwinjt, ran, mien Schauz, wajch aus een Ree, un daut straume Gazell enne Boaj.