Read Plautdietsch (Low German) – De Bibel Daut Leet 3 Bible Online

Daut Leet 3 - Plautdietsch (Low German) – De Bibel bible

Daut Leet 3

¹See Ekj ligj enne Nachten em Bad, un wensch mie von Hoaten mien Schauz; ekj bang mie no am, doch hee kjemt nich.

²Ekj woa oppstonen un enne Staut gonen, oppe Gaussen un wua ekj bloos kaun, woa ekj sieekjen no däm, däm ekj leew. Ekj socht, un ekj funk am nich.

³Dan fungen mie Wajchta, aus see Wajchta enne Staut oppe Gaussen romjinjen. Ekj fruach an, auf see mienen leefsten to seenen jekjräajen hauden.

⁴Ekj jinkj mau jrod wieda, dan funk ekj mien Schauz; un ekj schmeet miene Oarms rom am, soo daut hee mie nich wada wajch kunn; un dan brocht ekj am bat en ons Hus, miene Mutta äa Hus un de Stow wua ekj kjlien jewast wia.

⁵Vespräakjt mie, Mejales von Jerusalem, bie daut Ree un Gazell oppe Stap; daut jie dee, dee sikj goot sent, nich stieren bat see nuach haben von äare Leew. <h>Daut dredde Leet</h> See

⁶Waut sticht enne Wiltnis soo opp, aus de Ruak von een Fia, un aus Weiruak un Mirren un Saulw Eelj, waut Haundelslied brinjen?

⁷Nu kjikjt! Daut es de Benkj fa mien Kjennich. Mien Salomo woat häajedroacht, met 60 Soldoten runt om, von de baste waut Israel haft.

⁸Dee han aula äa Jereetschoft aul bie sikj, un vestonen sikj goot met däm Kjrich; daut Schwieet henjt bie jiedrem aun de Sied, un jeft Schutz fa Jefoa en de Nacht.

⁹De Kjennich Salomo leet sikj emol, von daut Holt ut däm Libanon Woolt, eenen Troon moaken, toom am romdroagen.

¹⁰Jieda Akjstekj betrock hee met Selwa; daut Zeich aun de Län wia aus Golt, un daut Settzeich, daut wia scharlachroot. Von bennen hauden de Frulied von Jerusalem daut leeftolich foadich jemoakt.

¹¹Komt doch, jie Mejales von Zion, un seet hia däm Kjennich Salomo, un de Kroon dee de Mutta am oppsad, oppe Kjast, aus hee soo jlekjlich wia.