Read Plautdietsch (Low German) – De Bibel Daut Leet 5 Bible Online

Daut Leet 5 - Plautdietsch (Low German) – De Bibel bible

Daut Leet 5

¹Hee Ekj sie en mien Goaden jekomen, miene Brut un mien Schauz; un ekj läs doa Jewerz un uk Mirren, ekj schmakj mienen Honnich un Sauft, un ekj drinkj mienen Wien, miene Malkj. De Mejales Lot et scheen schmakjen, Dufkjes, nämt soo väl aus jie wellen. <h>Daut vieede Leet</h> See

²Ekj schleep, doch em Hoat wia ekj waka. Horch doch, daut klopt wua! Mien Schauz! Hee Moak op miene scheenste, mien Schauz; miene Duw, ekj hool aules von die. Mien Kopp es gaunz naut von däm Deiw, un de Hoa von däm Sodda enne Nacht. See

³Ekj hab mie sest aul aufjetrocken, sull ekj mie noch wada auntrakjen? Ekj hab miene Feet aul jewoschen, sull ekj dee noch wada enschwienen?

⁴Mien Schauz siene Haunt foot no de Kjlinkj, un mie reet daut von bennen no am.

⁵Ekj muak mie reed toom am nenloten, miene Haunt wia gaunz naut von Parfum; mie kjlakjad de Haunt von de Mirren, aus ekj no de Kjlinkj foten deed.

⁶Aus ekj op muak fa am, mienen Schauz, wia hee wajch. Ekj must stoawen, docht ekj. Siene Stemm haud mie gaunz metjeräten, un ekj socht un ekj socht, doch vejäfs; un ekj roopt, doch hee wia nich to hieren.

⁷Dan fungen mie Wajchta, aus see enne Staut oppe Gaussen romjinjen. Dee schluagen un kjielden mie Wund; un see neemen mien Mauntel von mie, dise Wajchta oppe Mia von de Staut.

⁸Oba Mejales von Jerusalem, wan jie mienen Frint noch wua seenen, waut sell jie am sajen? Sajcht am: Ekj sie schlaup, wäajen waut ekj mie wensch. De Frind

⁹Saj, woo es doch dien Schauz soo väl bäta, du schmokste von aule Mejales? Saj, woo es dan dien Schauz soo väl bäta, daut du ons Vespräakjen west haben? See

¹⁰Mien Schauz es jesunt un uk rodlich; hee es de basta mank 10.000 Mana.

¹¹Sien Kopp es daut scheenste, aus Golt, siene Hoa sent dan krus un soo schwoat aus ne Krauj.

¹²Siene Uagen sent aus Duwen bie ne Kjwal, witte Duwen bie een kloara Kanol.

¹³Siene Baken, dee rikjen, aus een Beet met Jewerz; hee haft Leppen aus Lelje, von Mirren jenat.

¹⁴Siene Oarms sent Walen von Golt, wuarut Turkis Steen schienen; un sien Kjarpa es woaret Aulfenbeen, besonda jewoakjt met Safieren doabennen.

¹⁵Siene Been sent aus Stendasch von Marmor, en waut Golt nenjeplaunt. Am lat daut soo schmock aus dän Libanon, soo butajeweenlich aus Zeeda.

¹⁶Sien Mul es soo seet, ekj bang mie no aules aun am. Mejales von Jerusalem soo scheen es mien scheensta, soon Schauz es mien Schauzkje.