Read Plautdietsch (Low German) – De Bibel Daut Leet 6 Bible Online

Daut Leet 6 - Plautdietsch (Low German) – De Bibel bible

Daut Leet 6

¹De Mejales Wua es dien Schauz hanjegonen, du schmokste von aule Mejales? Saj, waut wull dien scheensta dan nu, daut wie halpen kjennen am nu to finjen? See

²Mien scheensta jinkj rauf en sien Goaden, sikj to weiden em Beet von Jewerz, un de Lelje bewundren un nämen.

³Ekj jehia mienem scheensten, un hee jehieet mie; hee erjazt sikj aun de Lelje. <h>Daut fefte Leet</h> Hee

⁴Mien Schauz, die lat et soo schmock aus de Staut Tirza; du best mie soo scheen aus Jerusalem, Schauz; ekj stutz ver die aus ver een Häa.

⁵Kjikj nich no mie; diene Uagen beteiben mie gaunz. Soo aus Kosen von Gilead streemen, soo henjen de Hoa von dien Kopp.

⁶Diene Tänen, dee stonen aus Schop, dee nom schäaren un wauschen oppkomen; jieda eene haft twee bie sikj stonen, un kjeene fält daut noch aun dee.

⁷Diene Baken sent Baken von Apel, dee hinja dien Schleia väaschienen.

⁸Doa sent soo bie 60 Kjennijinnen, met 80 Näbenfrues, un Mejales dee nich gonen to talen.

⁹Oba eene es miene, mien Dufkje; see es aules waut ekj mie bloos wensch. See es eene, dee äare Mutta sikj wält; bie de Mutta es see huach aunjeschräwen. Aus de Mejales ar sagen, säden see: Aule Mejales veieren ar huach, un däm Kjennich siene Frues lowen ar.

¹⁰Wäa es dit, dee väakjemt aus Morjenroot, soo schmock aus de Mon, soo rein aus de Strolen vonne Sonn? Ekj stutz ver die aus ver een Häa.

¹¹Ekj jinkj rauf no dän Nät Goaden kjikjen, auf de Bloomen em Tol aul opjinjen, auf de Wien Ranken Asta utleeten, un woo sea Granat Apel blieejden.

¹²Ekj vesto nich woo sikj mien velangen mie biem Leida von mien Volkj haft jesat.