Read Plautdietsch (Low German) – De Bibel Daut Leet 8 Bible Online

Daut Leet 8 - Plautdietsch (Low German) – De Bibel bible

Daut Leet 8

¹Ekj wensch mie du wieescht aus mien Brooda dee toop met mie kjlien jewast es, dan kunn ekj, wan wie ons wua troffen, die kussen, un kjeena brukt schellen.

²Ekj neem die en Mutta äa Hus nenn, en de Stow wua ekj kjlien jewast wia, un dan jeef ekj die mien Wien to drinkjen, miene Sauft von Granat Apel Frucht.

³Siene linkje Haunt helt mienen Kopp, un de rajchte drekjt mie aun am naun.

⁴Vespräakjt mie, Mejales von Jerusalem, daut jie dee, dee sikj goot sent, nich stieren, bat see nuach haben von äare Leew. <h>De Schluss</h> De Frind

⁵Nu kjikjt wäa hia kjemt von de Wiltnis, un woo see sikj opp äaren scheensten länt. Hee Unja däm Aupelboom wakjt ekj die opp, wua diene Mutta äare Weeen aunkjeemen, wua de Mutta die emol to Welt brocht.

⁶Hool du mie aus een Rinkj rom dien Hoat, aus een Braunt ooda Tieekjen aum Oarm. Onse Leew blift soo lang aus de Doot; un de Liedenschoft drift aus de Doot. Äare Feilen sent aus Fia, un dee flaumen aus Blitz.

⁷Daut Fia von de Leew jeit nich ut von een Wota, un Riefasch kjennen daut nich wajch wauschen. Wan uk wäa aules jeef en sien Hus, om de Leew to bekjeepen, wudd de Maun met sien Jelt toop veacht woaren. See

⁸See säden: Onse Sesta es too junk fa een Schauz, äare Brost es noch nich naunjewossen. Waut sell wie fa de Sesta noch doonen, wan wäa no ar frieen kjemt?

⁹Es see plaut aus ne Waunt, moak wie Folden von Selwa; es see jlikj aus ne Däa, straum wie dee ut met Zeeda.

¹⁰Ekj sie eene Waunt, miene Brost haft uk Folden; un mien Schauz jleeft ekj sie nu uk groot. Hee

¹¹Kjennich Salomo haft eenen Goaden unja Wajchta em Tol von Baal Hamon; jieda Wajchta brocht 1.000 Stekj Selwa nom Kjennich fa dee scheene Frucht.

¹²Mien Wiengoaden es gaunz mien ieejna; jane dusende lot ekj fa Salomo, un dee 200 fa jieda Wajchta. See

¹³Ach mien Schauz en däm Goaden, de Frind horchen, auf du waut sajchst; lot mie hieren waut du sajchst.

¹⁴Komm schwind häa, du mien Schauz, aus Gazell ooda Ree, opp de Boaj met Jewerz.