Read Plautdietsch (Low German) – De Bibel Jesaja 15 Bible Online

Jesaja 15 - Plautdietsch (Low German) – De Bibel bible

Jesaja 15

¹Dit es woo daut met Moab gonen woat: Äwa Nacht, woat Ar enne Grunt jebrocht, un daut es daut Enj von Moab. Äwa Nacht, es Kir enne Grunt jebrocht, un daut es daut Enj von Moab.

²De Lied von Dibon gonen no äaren Tempel, un hielen bie äare huage Opfastäden. Äwa däm Nebo Boajch un en Medeba hielen de Moabita. Een jiedra haft sienen Kopp koljeschoaren, un sikj dän Boat aufjeschnäden.

³Oppe Gaussen gonen see en Sakkjleeda jekjleet, opp äare Däakja un enne Staut truaren see aula un weschen sikj de Tronen.

⁴En Heschbon un en Elale schrieen de Lied, daut et bat en Jahaz to hieren es; un doawäajen schrieen de stoakje Soldoten en Moab un an veschort de Moot.

⁵Mie deit daut Leet om Moab, äare Flichtlinja flichten no Zoar, un bat Eglat Schelischija. See gonen opp dän Boajch no Luhit un hielen; oppem Wajch no Horonajim schrieen see en Trua.

⁶De Nimrim Riefa es drieech, un de Stap haft kjeen Graus; de junge Plaunten sent vewalkjt, un aulet Jreens es veschwungen.

⁷Waut see sikj toopjeoabeit hauden un aules waut see wajchjelajcht hauden, droagen see wajch äwa dän Wieden Riefa.

⁸Bie jieda Jrens woat jehielt; äa schrieen kjemt bat Eglajim, äa schrieen kjemt bat Beer Elim.

⁹Daut Wota bie Dimon es voll Bloot, doch jäw ekj Dimon noch mea; mucht een Leiw opp dee komen waut von Moab wajchkomen, un dee waut em Launt äwabliewen.