Read Plautdietsch (Low German) – De Bibel Jeremia 45 Bible Online

Jeremia 45 - Plautdietsch (Low German) – De Bibel bible

Jeremia 45

¹En daut vieede Joa aus Jojakim, Josia sien Sän, Kjennich en Juda wia, un Baruch dolschreef waut Jeremia am väasäd, velua Baruch sienen Moot. Un Jeremia säd am:

²De HAR, dee aules rejieet, un Israel äa Gott es, haft waut to die to sajen, Baruch.

³Du weetst nich woo daut wieda gonen saul. Du meest de HAR lat die uk noch dän Moot veschorren. Du bemieechst die bat opp daut latste, un finjst kjeenen Fräd.

⁴Dit es waut de HAR to die sajcht: Horch emol, daut waut ekj jebut hab, riet ekj dol; un waut ekj jeplaunt hab, riet ekj ut. Soo doo ekj daut met daut Launt.

⁵Un jleefst du, die woat waut grootet tookomen? Daut brukst du nich jleewen. Kjikj doch waut fa eenen Schoden ekj opp aule Menschen brinj. Oba de HAR sajcht: Eendoont wua du hanjeist, du woascht met dien Läwen doavon komen, soo aus een Schauz, dee em Kjrich veschoont blift.