Read Plautdietsch (Low German) – De Bibel Jeremia 47 Bible Online

Jeremia 47 - Plautdietsch (Low German) – De Bibel bible

Jeremia 47

¹Dit es de Norecht vom HARN, dee Jeremia äwa de Filista kjrieech, ea de ägiptischa Kjennich Gaza schluach.

²Dit es waut de HAR sajcht: Em Nuaden sticht daut Wota, un woat een stoakja Stroom; daut woat daut Launt bedakjen un aules waut doabennen es. De Städa un aul äare Menschen woaren schrieen un truaren.

³Wan see de Heefta von de Pieed hieren, un daut rätren von de Kjrichswoages un klaupren von äare Räda, woaren Elren sikj nich omkjikjen, wua äare Kjinja bliewen; soo machtloos schient an daut.

⁴De Dach kjemt, wan de Fient äwa aule Filista omhäa jeit, wan de latste Help fa Tierus un Sidon wajchjenomen woat. De HAR woat de Filista enne Grunt brinjen, met dee toop, waut en Kaftor biem Mäa jebläwen sent.

⁵En Gaza woaren see truaren, un en Aschkelon woat daut stell woaren; un dee waut em Tol jebläwen sent, woo lang woaren dee sikj beschuljen un vewippen?

⁶(Jie sajen aul:) Woo lang woat daut noch sennen bat däm HARN sien Schwieet stell woat? Mucht daut doch stelhoolen un en siene Scheed gonen; mucht daut doch ruich un stell woaren.

⁷(Un de Profeet sajcht:) Woo kaun daut stell sennen, wan de HAR daut bestalt haft; wan daut jäajen Aschkelon un daut Launt aum Mäa jeschekjt es?