Read Plautdietsch (Low German) – De Bibel Hesekiel 15 Bible Online

Hesekiel 15 - Plautdietsch (Low German) – De Bibel bible

Hesekiel 15

¹Dan wort mie noch wada kloa, waut de HAR to sajen haud. Hee säd:

²Menschensän, wuarenn es daut Holt von eene Wienrank bäta aus daut Holt von irjent eenen Aust aum Boom?

³Kaust du daut Holt fa irjentwaut brucken? Kaun eena eenen Stekjel doavon moaken, daut eena doa waut bowen opphenjen kaun?

⁴Daut es bloos aus Brenholt to brucken. Wan daut Fia beid Enja vebrent haft, un de Medd veschrieecht haft, es daut dan to irjentwaut to brucken?

⁵Daut es doch dietlich, daut wan daut fa nuscht goot wia aus daut gaunz wia, dan woat daut aul secha to nuscht goot sennen wan daut em Fia jewast un veschrieecht es.

⁶Doawäajen es dit, waut Gott de HAR sajcht: Soo aus ekj daut Wienranken Struck, von mank daut, waut em Woolt waust, em Fia schmiet, soo woa ekj dee, dee en Jerusalem wonen, tosied schmieten,

⁷un hanrechten. Von een Fia sent see veschoont jebläwen, oba see woaren doch noch vebrent woaren. Un wan ekj junt strofen woa, dan woa jie enseenen, daut ekj de HAR sie.

⁸Ekj woa daut Launt to eene Wiltnis moaken, wiels de Menschen mie nich tru jewast sent, sajcht Gott de HAR.