Read Plautdietsch (Low German) – De Bibel Hosea 6 Bible Online

Hosea 6 - Plautdietsch (Low German) – De Bibel bible

Hosea 6

¹Daut Volkj säd: Komt, well wie trigj nom HARN. Hee haft ons veräten, un hee woat ons wada heelen. Hee haft ons jeschloagen, un hee woat ons vebinjen.

²No twee Doag woat hee ons jesunt moaken; aum dredden Dach woat hee ons opprechten, daut wie ver am läwen kjennen.

³Well wie am jehorchen, un aules hoolen. Soo secha aus de Morjen root woat, woat hee wada komen; hee woat komen aus een Räajen, aus de farjoasch Räajen woat hee de Ieed naten.

⁴Oba Gott sajcht, Waut saul ekj met die doonen, Efraim? Waut saul ekj met die doonen, Juda? June Leew es soo tru aus de Donst zemorjes, un aus de Deiw, dee aul tiedich veschwinjt.

⁵Doawäajen hab ekj de Profeeten jeschekjt junt to schlonen; ekj hab junt met mien Wuat jeschloagen; soo aus een Licht oppdacht, kom ekj nom Rajcht seenen.

⁶Ekj sieekj no truhoatje Leew, un nich no Opfa; ekj kjikj mie rom no Jehuarsom, un nich no Brauntopfa.

⁷Oba von Adam aun hab jie mienen Bunt jebroaken; jie sent mie nich tru jebläwen.

⁸Väle en de Staut Gilead doonen orrajcht; dee haben väle omjebrocht.

⁹Un de Baunden von Priestasch sent Reiba, dee no de Menschen luaren; see brinjen Menschen om oppem Wajch no Sichem. Daut es eene groote Schaund, waut dee doonen.

¹⁰Wan ekj en Israel nenn kjikj, see ekj schlemme Sachen. Efraim jeft sikj met framde Jetta auf, un Israel kaun nich enne Vesaumlunk komen, wiels see sikj soo veschulcht haft.

¹¹Un fa Juda woat uk noch eene Draschtiet sennen, wan ekj mien Volkj wada häastalen well.