Read Plautdietsch (Low German) – De Bibel Joel 3 Bible Online

Joel 3 - Plautdietsch (Low German) – De Bibel bible

Joel 3

¹Un no daut, woa ekj mienen Jeist opp aule Menschen jäwen, un june Säns un Dajchta woaren profezeien; june oole Mana woaren sikj erlauben to dreemen, un Gott woat june junge Mana wiesen, woo daut sennen woat.

²Soogoa opp däm Oabeida un de Kjäakjsche woa ekj dan mienen Jeist jäwen.

³Aum Himmel woa ekj Wundatieekjen wiesen, un oppe Ieed woat Bloot un Fia un väl Ruak sennen.

⁴De Sonn woat vedunklen, un de Mon woat blootrodlich sennen, ea däm HARN sien groota un schrakjelja Dach kjemt.

⁵Dan woaren aul dee, dee däm HARN sien Nomen aunroopen, jerat woaren. Doa woaren eenje wajchkomen opp däm Zions Boajch un en Jerusalem, soo aus de HAR vesproaken haft, un mank dee waut äwabliewen, woaren soone sennen, dee de HAR sikj wälen woat.