Read Plautdietsch (Low German) – De Bibel Jona 3 Bible Online

Jona 3 - Plautdietsch (Low German) – De Bibel bible

Jona 3

¹De HAR kjeem een tweedet mol no Jona

²un säd: Sto opp, un go no Ninive, de groote Staut, un prädj en dee daut Wuat woont ekj die jäw.

³Jona jehorcht däm HARN un jinkj no Ninive. Ninive wia soo groot, daut et dree Doag dieed doa eemol derch to gonen.

⁴Dän ieeschten Dach, aus Jona en Ninive nenn jinkj, roopt hee: Noch 40 Doag un dan woat dise Staut venicht woaren.

⁵De Lied en Ninive neemen Gott sien Wuat aun. See velangden, daut de Lied fausten sullen, un see trocken sikj aula Sakkjleeda aun, om to bewiesen daut an daut leet wia. De rikje deeden daut krakjt soo aus de oame.

⁶Aus see däm Kjennich von Ninive dit aula vetalden, jinkj hee vom Troon, neem sien Kjennichsrock auf un kjleed sikj en Sakkjleeda un sad sikj em Ausch dol.

⁷Dan leet hee en de gaunze Staut sajen: De Kjennich un de huach Aunjeseene bestalen: Kjeena doaf irjentwaut äten. Kjeen Mensch ooda Vee ooda Schop saul irjentwaut schmakjen ooda drinkjen.

⁸Menschen un Vee sellen aula Sakkjleeda äwatrakjen un drinjent Gott om Jnod bäden. Een jiedra saul daut ojjerajchte opphieren un de Jewault meiden.

⁹Waut kjenn wie sest noch doonen? Veleicht lat Gott no von sienen Oaja un jeft ons Jnod, daut wie nich omkomen woaren.

¹⁰Un aus Gott sach, daut de Menschen äare beese Wäaj oppjeewen, wia am daut leet, waut hee jedreift haud, un hee veschoond an.