Read Plautdietsch (Low German) – De Bibel Jona 4 Bible Online

Jona 4 - Plautdietsch (Low German) – De Bibel bible

Jona 4

¹Dit jefoll Jona rajcht nuscht, un hee wort sea doll.

²Hee bäd toom HARN: HAR, es daut nich krakjt soo romjekomen, aus ekj tus aul docht? Krakjt wäajen dit, wia ekj soo leicht reed no Tarsis to foaren. Ekj wist du wieescht sea jenstich un deetst die leicht erboarmen; du best jeduldich un nich leicht doll met Menschen. Du best truhoatich leeftolich, un latst leicht no met strofen.

³Ekj sie saut vom läwen, HAR. Lot mie doch stoawen.

⁴Un de HAR säd: Waut halpt die daut, die soo to oajren?

⁵Jona jinkj ut de Staut rut nom Oosten opptoo. Doa muak hee sikj een Schauten Dak, un sad sikj unja daut dol. Hee wull emol seenen, waut met Ninive passieren wudd.

⁶Un Gott de HAR leet eene Rank äwa am waussen, daut et noch een bätren Schauten jeef un rajcht jemietlich fa am wia. Jona freid sikj jrintlich to de Rank.

⁷Oba aus daut dän näakjsten Morjen aunfunk to doagen, leet Gott een Worm komen, un de Worm freet de Rank auf, soo daut dee vedrieejd.

⁸Dan aus de Sonn opp wia, schekjt Gott eenen drieejen Oostwint. Boolt wia de Sonn soo heet opp Jona sienen Kopp, daut am aunfunk dieslich to woaren. Dan fruach hee no dän Doot un säd: Stoawen wudd bäta fa mie sennen aus dit Läwen onen dise Plaunt.

⁹Dan säd Gott to Jona: Waut halpt die daut, die soo äwa de Plaunt to oajren? De Oaja halpt mie to stoawen! säd Jona.

¹⁰Un de HAR säd: Die es daut schod äwa eene Rank, fa dee du nuscht jedonen hast, un dee du nich daut Läwen jeefst; eene Plaunt dee eene Nacht doa wia, un de näakjste wajch wia.

¹¹Ninive es eene Staut wua äwa 120.000 Menschen wonen. Es die daut nich schod om dee? Dee weeten nich soo väl von goot un schlajcht, daut see eene linkje von eene rajchte Haunt unjascheeden kjennen! Un dan es doa uk noch aul daut Vee. Woo sull mie daut nich äwa de Staut schod sennen?