Read Plautdietsch (Low German) – De Bibel 4. Mose 25 Bible Online

4. Mose 25 - Plautdietsch (Low German) – De Bibel bible

4. Mose 25

¹Aus daut Volkj Israel sikj en Schittim jeloagat haud, fungen de Mana sikj aun met moabitische Frues auftojäwen.

²Dise looden daut Volkj to äare Opfafasta en. Un daut Volkj eet von daut Opfafleesch un kjneed sikj ver de Moabita äare Jetta.

³Un Israel honk sikj aun dän Baal Peor. Dan brend däm HARN sien Oaja äwa Israel opp,

⁴un hee säd to Moses: Nemm aul de väaschte Mana von daut Volkj un henj dee em dachen Sonnenschien ver däm HARN opp, om daut ekj nich en mienen brennenden Oaja daut gaunze Volkj venichten mott!

⁵Dan säd Moses to de Rechta en Israel: Doot von de Lied, wua jie veauntwuatlich fa sent, aul dee doot moaken waut sikj met däm Baal Peor aufjäwen!

⁶Moses un de gaunze Jemeent von Israel haud sikj truarich un hielent ver daut Vesaumlungszelt jekjneet, un dan brocht een Israelit ver äare Uagen eene midianitische Fru en sien Zelt nenn.

⁷Aus de Priesta Pinhas, Eleasar sien Sän un Aaron sien Grootsän, daut sach, stunt hee opp un veleet de Vesaumlunk. Hee neem eenen Spies en siene Haunt

⁸un jinkj däm israelitischen Maun hinjaraun en de bennaschte Stow nenn un spekjt dän Spies derch an beid derch, derch dän israelitischen Maun uk derch de Fru äa Kjarpa. Dan hieed de Ploag mank de Israeliten opp.

⁹Doa wieren aul 24.000 Menschen aun jestorwen.

¹⁰Un de HAR räd met Moses un säd:

¹¹Pinhas, Eleasar sien Sän, un däm Priesta Aaron sien Grootsän, haft mienen Oaja von de Israeliten aufjehoolen. Hee haft dän selwjen Oaja jefeelt waut ekj, un von disen Oaja jedräwen, haft hee jehaundelt, om daut ekj nich en mienen Oaja de Israeliten ombrocht.

¹²Doawäajen saj: Kjikj, ekj jäw am mienen Frädens Bunt,

¹³un dis Bunt saul am un siene Nokomen fa emma daut Priesta Aumt jäwen, wiels hee sikj en sienen Iewa fa sienen Gott enjesat un fa de Israeliten eene Veseenunk veschauft haft.

¹⁴De israelitischa Maun, waut met de midianitische Fru toop doot jemoakt wort, wia Simri, Salu sien Sän, een Leida von eene Volkjsgrupp en däm Staum Simeon.

¹⁵Un de midianitische Fru, waut uk doot jemoakt wia, heet Kosbi, un wia Zur siene Dochta, dee de Leida von eene midianitische Staum Grupp wia.

¹⁶Un de HAR räd met Moses un säd:

¹⁷Jriept de Midianita aun un bestroft dee!

¹⁸See haben aunjefongen junt hinjalestich auntojriepen: See haben junt veleit, un doatoo jekjräajen dän Peor to veieren, un met Kosbi, de Dochta von eenem von de väaschte mank de Midianita onjehuarsom to sennen, dee aun däm Dach doot jemoakt wort, aus de Ploag mank junt wia, wäajen de Sach opp dän Boajch Peor.

¹⁹No däm aus de Ploag oppjehieet haud,