Read Plautdietsch (Low German) – De Bibel 4. Mose 7 Bible Online

4. Mose 7 - Plautdietsch (Low German) – De Bibel bible

4. Mose 7

¹Aun dän Dach aus Moses de heilje Woninj un waut doatoo jehieed un dän Aultoa met daut Toobehia fa dän, gaunz oppjestalt un enjesaulft un jeheilicht haud,

²don brochten de Leida von Israel, de väaschte von de Stam, äare Opfagowen. Dit wieren de Leida von de Volkjsgruppen en Israel waut daut Volkj jetalt hauden.

³See brochten äare Gowen von sas bebude Woages un twalf Rinda no däm HARN. Doa wieren emma een Woagen fa twee Leida un een Rint fa jieda Leida. Met dise kjeemen see no de heilje Woninj.

⁴Un de HAR säd to Moses:

⁵Nemm dise von an un jeff de Leviten dee, soo daut dee bie daut Vesaumlungszelt kjennen jebrukt woaren, fa jiedrem en sienen Deenst.

⁶Dan neem Moses de Woages un Rinda un jeef de Leviten dee.

⁷Hee jeef de Gerschonita twee Woages un vea Rinda fa äare Oabeit,

⁸un hee jeef de Merarita vea Woages un acht Rinda fa äare Oabeit, dee see unja Itamar, Aaron sienen Sän, siene Äwasecht stalden.

⁹Oba hee jeef de Kehatita kjeen Woagen un kjeene Rinda, wiels äare Oabeit met de jeheilichte Sachen wia un see dee opp äare Schulren droagen musten.

¹⁰Un aun dän Dach aus de Aultoa enjeweit wort brochten de Leida äare Gowen, un see brochten äa Opfa bat däm Aultoa.

¹¹De HAR säd to Moses: Lot de Leida äare Gowen toom dän Aultoa ensäajnen, jieda opp eenen aundren Dach brinjen.

¹²Aum ieeschten Dach opfad Nachschon, Aminadab sien Sän, vom Staum Juda, siene Gow.

¹³Un siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

¹⁴un doatoo noch een goldna Läpel, waut 120 Graum schwoa wia, voll Weiruak,

¹⁵een junga Boll, een Schopsbock, un een eenjoaschet Schop toom Brauntopfa,

¹⁶een Kosenbock toom Sindopfa,

¹⁷un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es Nachschon, Aminadab sien Sän, siene Gow.

¹⁸Aum tweeden Dach opfad Netanel, Zuar sien Sän, de Leida vom Staum Isachar.

¹⁹Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

²⁰un doatoo noch een goldna Läpel, 120 Graum schwoa, voll Weiruak,

²¹een junga Boll, een Schopsbock, un een eenjoaschet Schop toom Brauntopfa,

²²een Kosenbock toom Sindopfa,

²³un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Netanel, Zuar sien Sän.

²⁴Aum dredden Dach Eliab, Helon sien Sän, de Leida vom Staum Sebulon.

²⁵Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

²⁶un doatoo noch een goldna Läpel, 120 Graum schwoa, voll Weiruak,

²⁷een junga Boll, een Schopsbock, un een eenjoaschet Schop toom Brauntopfa,

²⁸een Kosenbock toom Sindopfa,

²⁹un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Eliab, Helon sien Sän.

³⁰Aum vieeden Dach Elizur, Schedeur sien Sän, de Leida vom Staum Ruben.

³¹Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

³²un doatoo noch een goldna Läpel, 120 Graum schwoa, voll Weiruak,

³³een junga Boll, een Schopsbock, un een eenjoaschet Schop toom Brauntopfa,

³⁴een Kosenbock toom Sindopfa,

³⁵un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Elizur, Schedeur sien Sän.

³⁶Aum feften Dach Schelumiel, Zurischadai sien Sän, de Leida vom Staum Simeon.

³⁷Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

³⁸un doatoo noch een goldna Läpel, 120 Graum schwoa, voll Weiruak,

³⁹een junga Boll, een Schopsbock, un een eenjoaschet Schop toom Brauntopfa,

⁴⁰een Kosenbock toom Sindopfa,

⁴¹un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Schelumiel, Zurischadai sien Sän.

⁴²Aum sasten Dach Eljasaf, Deguel sien Sän, de Leida vom Staum Gad.

⁴³Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁴⁴un doatoo noch een goldna Läpel, 120 Graum schwoa, voll Weiruak,

⁴⁵een junga Boll, een Schopsbock, un een eenjoaschet Schop toom Brauntopfa,

⁴⁶een Kosenbock toom Sindopfa,

⁴⁷un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Eljasaf, Deguel sien Sän.

⁴⁸Aum säwenden Dach Elischama, Amihud sien Sän, de Leida vom Staum Efraim.

⁴⁹Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁵⁰un doatoo noch een goldna Läpel, 120 Graum schwoa, voll Weiruak,

⁵¹een junga Boll, een Schopsbock, un een eenjoaschet Schop toom Brauntopfa,

⁵²een Kosenbock toom Sindopfa,

⁵³un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Elischama, Amihud sien Sän.

⁵⁴Aum achten Dach Gamliel, Pedazur sien Sän, de Leida vom Staum Manasse.

⁵⁵Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁵⁶un doatoo noch een goldna Läpel, 120 Graum schwoa, voll Weiruak,

⁵⁷een junga Boll, een Schopsbock, un een eenjoaschet Schop toom Brauntopfa,

⁵⁸een Kosenbock toom Sindopfa,

⁵⁹un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Gamliel, Pedazur sien Sän.

⁶⁰Aum näajenden Dach Abidan, Gidoni sien Sän, de Leida vom Staum Benjamin.

⁶¹Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁶²un doatoo noch een goldna Läpel, 120 Graum schwoa, voll Weiruak,

⁶³een junga Boll, een Schopsbock, un een eenjoaschet Schop toom Brauntopfa,

⁶⁴een Kosenbock toom Sindopfa,

⁶⁵un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Abidan, Gidoni sien Sän.

⁶⁶Aum tieenden Dach Ahieser, Amischadai sien Sän, de Leida vom Staum Dan.

⁶⁷Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁶⁸un doatoo noch een goldna Läpel, 120 Graum schwoa, voll Weiruak,

⁶⁹een junga Boll, een Schopsbock, un een eenjoaschet Schop toom Brauntopfa,

⁷⁰een Kosenbock toom Sindopfa,

⁷¹un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Ahieser, Amischadai sien Sän.

⁷²Aum alften Dach Pagiel, Ochran sien Sän, de Leida vom Staum Asser.

⁷³Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁷⁴un doatoo noch een goldna Läpel, 120 Graum schwoa, voll Weiruak,

⁷⁵een junga Boll, een Schopsbock, un een eenjoaschet Schop toom Brauntopfa,

⁷⁶een Kosenbock toom Sindopfa,

⁷⁷un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Pagiel, Ochran sien Sän.

⁷⁸Un aum twalften Dach Ahira, Enan sien Sän, de Leida vom Staum Naftali.

⁷⁹Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa,

⁸⁰un doatoo noch een goldna Läpel, 120 Graum schwoa, voll Weiruak,

⁸¹een junga Boll, een Schopsbock, un een eenjoaschet Schop toom Brauntopfa,

⁸²een Kosenbock toom Sindopfa,

⁸³un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Ahira, Enan sien Sän.

⁸⁴Dit wia de Gow waut de Staumleida en Israel to de Enweiunk fa dän Aultoa jeewen, to dee Tiet aus dee jesaulft wort: twalf selwane Ploten, twalf selwane Kommen, un twalf goldne Läpels.

⁸⁵Jieda Plot haud 1.500 Graum Selwa un jieda Komm haud 800 Graum Selwa. De gaunze Wicht von de selwane Dinja wia 26 Kilo un 600 Graum no daut Jewicht vom Heilichtum.

⁸⁶Un de twalf goldne Läpels voll Weiruak hauden jieda 120 Graum no daut Jewicht vom Heilichtum, soo daut de Wicht von daut Golt waut de Läpels hauden, 1.440 Graum wia.

⁸⁷De Somm von Tieren toom Brauntopfa wia twalf junge Bolles, twalf Schopsbakj, twalf eenjoasche Schop met äare Ätesopfa toop, un twalf Kosenbakj toom Sindopfa.

⁸⁸Un de Somm von de Tieren toom Dankopfa wia 24 junge Bolles, 60 Schopsbakj, 60 Kosenbakj un 60 eenjoasche Schop. Soo wort de Aultoa enjeweit aus dee enjesaulft wort.

⁸⁹Aus Moses em Vesaumlungszelt nenn jinkj toom met däm HARN räden, dan hieed hee de Stemm to am räden von tweschen de twee Cheruben opp daut Veseenungs Dakjsel opp de Bundeskjist. Soo räd de HAR to am.