Read Plautdietsch (Low German) – De Bibel Aposteljeschicht 6 Bible Online

Aposteljeschicht 6 - Plautdietsch (Low German) – De Bibel bible

Aposteljeschicht 6

¹En dee Doag, aus de Jinja mea worden, worden de griechische Juden ontofräd äwa de hebräische, wiels äare Wätfrues worden bie de däachliche Toodeelunk äwaseenen.

²Dan roopten de Twalw de Jinja aula toop un säden: Daut es nich rajcht, daut wie unjaloten daut Wuat to prädjen om aun de Deschen to deenen.

³Doarom, Breeda, sieekjt mank junt säwen opprechtje Mana, dee voll Jeist un Weisheit sent, dee wie veauntwuatlich moaken kjennen, disen Deenst to doonen.

⁴Wie oba woaren aunhoolen to bäden un daut Wuat to prädjen.

⁵Äa Väaschlach jefoll an aula. Un see wälden Stefanus, eena dee voll Gloowen un Heiljen Jeist wia, un Filippus un Prochorus un Nikanor un Timon un Parmenas un Nikolaus von Antiochia, dee dän Judengloowen aunjenomen haud.

⁶Dise stalden see de Apostel väa. Dee bäden äwa an un läden an de Henj opp.

⁷Un daut Gotteswuat vebreed sikj, un de Zol von Jinja wort en Jerusalem emma jrata. Un doa kjeemen uk väl Priesta toom Gloowen.

⁸Un Stefanus, voll Gloowen un Krauft, deed groote Wunda un Tieekjens mank de Menschen.

⁹Dan stunden eenje von de Libertina School opp, un de Kiereena, de Alexandra un dee, dee von Zilizien un Asien wieren, un fungen aun sikj met Stefanus to strieden.

¹⁰Oba see kunnen jäajen de Weisheit un dän Jeist, en däm hee räd, nich stonen.

¹¹Dan bekoften see eenje Mana, to sajen: Wie haben am jehieet Lastawieed jäajen Gott un jäajen Moses räden.

¹²Un see räajden daut Volkj un de Eltestasch un de Schreftjelieede opp, un dee kjeemen un neemen am faust un brochten am ver däm Rot.

¹³See stalden uk faulsche Zeichnisjäwa aun, dee doa säden: Dis Maun hieet nich opp, Lastawieed jäajen dise heilje Städ un daut Jesaz to räden,

¹⁴wiels wie haben am sajen hieet, daut Jesus von Nazaret dise Städ dolbräakjen woat, un dee Väaschreften endren dee Moses ons jeloten haft.

¹⁵Un dee, dee em Rot sauten, kjikjten am aula aun, un sien Jesecht sach daut aus een Enjeljesecht.