Read Plautdietsch (Low German) – De Bibel 1. Tessalonicha 3 Bible Online

1. Tessalonicha 3 - Plautdietsch (Low German) – De Bibel bible

1. Tessalonicha 3

¹Aus wie daut ieescht nich lenja uthoolen kunnen, beschloot wie, auleen en Ateen trigjtobliewen,

²un onsen Brooda Timotäus, dee uk fa Gott oabeit un daut Evangelium von Christus prädicht, no junt to schekjen. Hee sull junt em Gloowen oppbuen un Moot toospräakjen,

³daut kjeena wäajen de Vefoljungen trigjfaulen mucht. Jie weeten selfst, daut wie met Vefoljungen räakjnen motten.

⁴Dit hab wie junt aul don jesajcht aus wie bie junt wieren, daut wie wudden lieden motten. Un jrod soo haft sikj daut uk romjenomen, aus jie weeten.

⁵Doawäajen hab ekj uk, aus ekj daut nich lenja uthilt, Timotäus hanjeschekjt, om uttofinjen, woo daut met jun Gloowen steit. Ekj wia besorcht, daut de Vesieekja junt tofaul brinjen kunn, un dan wudd onse Oabeit vejäfs jewast sennen.

⁶Oba nu daut Timotäus es doa jewast, haft hee goode Norecht jebrocht von junen Gloowen un june Leew. Hee haft ons vetalt, woo jie emma aun ons denkjen, un jie junt jrod soo no ons bangen aus wie no junt.

⁷Leewe Breeda, derch junen staunthauften Gloowen sent wie jetreest worden, wan wie uk bieaun lieden un veläajen woaren.

⁸Wan jie em Harn faust stonen, dan läw wie soo rechtich opp.

⁹Woo kjenn wie Gott jenuach danken fa aul de Freid, dee jie ons en onsem Deenst fa am jemoakt haben?

¹⁰Wie bäden Dach un Nacht, daut wie junt perseenlich besieekjen kjennen, un junt en daut methalpen waut junt noch em Gloowen fält.

¹¹Mucht Gott ons Voda selfst un ons Har Jesus ons dän Wajch opmoaken toom hankomen!

¹²Mucht de Har junt halpen daut jie eenaunda un aule Menschen emma mea räakjnen wudden, soo aus wie junt uk goot sent.

¹³Mucht jie ennalich stoakj woaren, un jeheilicht un rein ver Gott onsen Voda stonen, wan ons Har Jesus met aul siene heilje komen woat.