Read Plautdietsch (Low German) – De Bibel Josua 12 Bible Online

Josua 12 - Plautdietsch (Low German) – De Bibel bible

Josua 12

¹Dit sent de Kjennichs von daut Launt, waut de Israeliten besiejden un äa Launt enneemen. Aun de oostne Sied Jordan von däm Riefa Arnon bat aun däm Boajch Hermon un daut gaunze Jordantol em Oosten.

²Doa wia Sihon, de Amorita Kjennich, dee en Heschbon wond un von Aroer bat aun daut aum Arnon Riefa rejieed, un von medden en daut Tol un äwa de haulwe Launtschoft Gilead bat aun dän Jabok Riefa, waut de Jrens von de Amonita es.

³Am jehieed uk daut Jordantol bat aun de oostne Sied vom See Kinneret un bat jäajen daut nuadne Enj vom Soltmäa, wua de Wajch no Bet Jeschimot jeit, un noch wieda nom Sieden bat wua daut boajopp jeit no däm Boajch Pisga.

⁴Daut näakjste wia däm Kjennich Og von Baschan sien Launt, de latsta von daut Riesenjeschlajcht, waut en Aschtarot un Edrei rejieed.

⁵Sien Kjennichrikj rieekjt äwa dän Boajch Hermon un de Launtstriep Salcha un Baschan, bat aun de Jrensen von de Geschurita un Maachatita un äwa de eene Halft von Gilead, bat aun Sihon, däm Kjennich von Heschbon, sien Launt.

⁶Dise beid Kjennichs wieren von de Israeliten besiecht aus Moses, däm HARN sien Deena an noch leiden deed, un hee haud äa Launt däm Staum Ruben un Gad un däm haulwen Staum Manasse aus Oafgoot toojesajcht.

⁷Un dit sent de Kjennichs von daut Launt, waut Josua un de Israeliten, aun de wastne Sied Jordan besiejden, von Baal Gad em Tol von de Libanon Boaj bat aun de kole Boaj wua daut boajopp jeit no Seir. Un Josua jeef de Stam von Israel daut Launt aus äa Oafgoot, jieda Staum sienen Deel,

⁸daut Boajlaunt enne Medd, daut onjlikje Launt em Wasten, de Eewasch von de Boaj em Oosten met de Wiltnis von Juda un daut Jordantol un de Stapen em Sieden. Daut gaunze Launt von de Hetita, Amorita, Kanaanita, Perisita, Hiwita un Jebusita.

⁹Un dit sent de Kjennichs: De Kjennich von Jericho, de Kjennich von Ai, doa dicht bie Betel,

¹⁰de Kjennich von Jerusalem, de Kjennich von Hebron,

¹¹de Kjennich von Jarmut, de Kjennich von Lachisch,

¹²de Kjennich von Eglon, de Kjennich von Gesser,

¹³de Kjennich von Debir, de Kjennich von Geder,

¹⁴de Kjennich von Horma, de Kjennich von Arad,

¹⁵de Kjennich von Libna, de Kjennich von Adullam,

¹⁶de Kjennich von Makeda, de Kjennich von Betel,

¹⁷de Kjennich von Tapuach, de Kjennich von Hefer,

¹⁸de Kjennich von Afek, de Kjennich von Scharon,

¹⁹de Kjennich von Madon, de Kjennich von Hazor,

²⁰de Kjennich von Schimron Meron, de Kjennich von Achschaf,

²¹de Kjennich von Taanach, de Kjennich von Megiddo,

²²de Kjennich von Kedesch, de Kjennich von Jokneam aum Karmel,

²³de Kjennich von Dor, opp daut onjlikje Launt von Dor, de Kjennich von de Velkja en Galiläa,

²⁴un de Kjennich von Tirza. Daut sent aules toop 31 Kjennichs.