Read Plautdietsch (Low German) – De Bibel Josua 15 Bible Online

Josua 15 - Plautdietsch (Low German) – De Bibel bible

Josua 15

¹De Volkjsgruppen von Juda kjrieejen disen Aundeel aum Launt: Em Sieden rieekjt äa Launt bat aun de Zin Wiltnis, waut to Edom jehieet.

²De Siedjrens jeit vom siednen Enj vom Soltmäa,

³nom Siedwasten han aun dän Skorpionen Stich vebie wieda äwa Zin nom Sieden han von Kadesch Barnea, un wieda äwa Hezron, Adar un Karka

⁴no Azmon. Un von doa no daut Tol, waut de ägiptische Jrens es, un doa velenjd bat aum Mäa. Daut es june Siedjrens.

⁵De Oostjrens es daut Soltmäa bat doa wua de Jordan doa nenn rant. Von doa aum Soltmäa wua de Jordan nenrant fangt de Nuadjrens aun,

⁶un jeit no Bet Hogla un aun de nuadne Kaunt Bet Araba vebie bat däm Bohan Steen, dee no Ruben sienen Sän Bohan veneemt es,

⁷un dan derch daut Achor Tol no Debir un wieda no Gelilot, jäajen de Adumim Stiej, waut aun de siedne Kaunt vom Tol velenjd gonen. Von doa jeit de Jrens aun daut Wota von de Sonnen Kjwalen un de Rogel Kjwalen vebie.

⁸Un dan wieda rant dee derch daut Hinnom Tol aun de siedne Kaunt däm Boajch velenjd, opp woonen de Jebusita Staut Jerusalem licht, un von doa bat opp de Spetz von däm Boajch, waut von daut Hinnom Tol nom Wasten un von daut jlikje Launt Refaim nom Nuaden han licht.

⁹Von de Boajch Spetz bicht dee auf no de Kjwal Neftoach un jeit no de Städa aun de Boaj Efron un von doa bicht dee no Baala, waut vondoag Kirjat Jearim heet.

¹⁰Dan bicht dee bie Baala rom nom Wasten no de Boaj Seir un jeit aun de nuadne Sied von däm Boajch Jearim, daut vondoagsche Kessalon, un kjemt no Bet Schemesch un jeit derch Timna

¹¹un kjemt aun de nuadne Kaunt vom Boajch Ekron vebie no Schikkaron un äwa no däm Boajch Baala un de Staut Jabneel un dan nom Mäa.

¹²De Wastjrens es daut Meddelmäa. Dit es daut Launtstekj, waut däm Staum Juda un siene Volkjsgruppen jehieet.

¹³Kaleb, Jefune sien Sän, haud medden en Juda sien Oafgoot jekjräajen, soo aus de HAR daut to Josua säd. Hee kjrieech de Staut Hebron, waut Arba, de Staumvoda von de Anakita, aunjelajcht haud.

¹⁴Un Kaleb vedreef von doa de dree Nokomen von Anak: Scheschai, Ahiman un Talmai met äare Nokomen toop,

¹⁵un jinkj von doa loos jäajen de Enwona von de Staut Debir, waut verhäa Kirjat Sefer jenant wort.

¹⁶Un Kaleb säd: Wäa Kirjat Sefer dolschleit un ennemt, däm well ekj miene Dochta Achsa to Fru jäwen.

¹⁷Dan neem Otniel, een Sän von Kenas, Kaleb sien Brooda de Staut en. Un Kaleb jeef am siene Dochta Achsa to Fru.

¹⁸Aum Kjastinjsdach oba beräd Otniel siene Fru, von äaren Voda Akalaunt to velangen. Un see stieech von äaren Äsel rauf. Dan fruach Kaleb ar: Waut west du?

¹⁹See säd to am: Jeff mie een Jeschenkj! Wiels du hast mie no daut drieeje Siedlaunt wajchjejäft; jeff mie weens uk noch een poa Wotakjwalen! Dan jeef Kaleb ar de bowaschte un de unjaschte Kjwalen bie Hebron.

²⁰Dit es daut jeorwne Launt von däm Staum Juda un siene Volkjsgruppen.

²¹De Städa vom Staum Juda, em Sieden, no de Jrens von Edom opptoo, wieren: Kabzeel, Eder, Jagur,

²²Kina, Dimona, Adada,

²³Kedesch, Hazor, Jitnan,

²⁴Sif, Telem, Bealot,

²⁵Hazor Hadata, Kerijot Hezron, daut es Hazor,

²⁶Amam, Schemma, Molada,

²⁷Hazar Gada, Heschmon, Bet Pelet,

²⁸Hazar Schual, Beerscheba un de Darpa waut doabiejehieeden,

²⁹Baala, Ijim, Ezem,

³⁰Eltolad, Kessil, Horma,

³¹Ziklag, Madmana, Sansana,

³²Bet Lebaot, Schilhim un En Rimmon. Daut sent 29 Städa met äare aunligjende Darpa.

³³En opp daut onjlikje Launtstekj wieren: Eschtaol, Zora, Aschna,

³⁴Sanoach, En Ganim, Tapuach, Enam,

³⁵Jarmut, Adullam, Socho, Aseka,

³⁶Schaarajim, Aditajim, Gedera un Gederotajim. Daut sent 14 Städa met äare aunligjende Darpa.

³⁷Buta däm: Zenan, Hadascha, Migdal Gad,

³⁸Dilan, Mizpe, Jokteel,

³⁹Lachisch, Bozkat, Eglon,

⁴⁰Kabon, Lachmas, Kitlisch,

⁴¹Gederot, Bet Dagon Naama un Makeda. Daut sent 16 Städa met äare aunligjende Darpa.

⁴²Wieda wieren Libna, Eter, Aschan,

⁴³Jiftach, Aschna, Nezib,

⁴⁴Keila, Achsib un Marescha. Daut sent näajen Städa met äare aunligjende Darpa.

⁴⁵Doatoo kjeem noch Ekron met de aunligjende Siedlungen.

⁴⁶Un von Ekron nom Mäa han aules, waut no de Sied von Aschdod un de aunligjende Darpa ligjen:

⁴⁷Aschdod un Gaza met de doatoo jehierende Städa un Darpa toop, bat aum Meddelmäa, un em Sieden bat aun daut ägiptische Tol, waut de Jrens von Ägipten es.

⁴⁸Opp daut Boajlaunt wieren: Schamir, Jatir, Socho,

⁴⁹Dana, Kirjat Sana, waut nu Debir es,

⁵⁰Anab, Eschtemoa, Anim,

⁵¹Goschen, Holon un Gilo. Daut sent alf Städa met äare aunligjende Darpa.

⁵²Buta däm wieren: Arab, Duma, Eschan,

⁵³Janum, Bet Tapuach, Afeka,

⁵⁴Humta, Kirjat Arba, waut nu Hebron es, un Zior. Daut sent näajen Städa met äare aunligjende Darpa toop.

⁵⁵Dan wieda wieren: Maon, Karmel, Sif, Jutta,

⁵⁶Jesreel, Jokdeam, Sanoach,

⁵⁷Kajin, Gibea un Timna. Daut sent tieen Städa met äare aunligjende Darpa.

⁵⁸Un dan wieda: Halhul, Bet Zur, Gedor,

⁵⁹Maarat, Bet Anot un Eltekon. Daut sent sas Städa met äare aunligjende Darpa. Un dan: Tekoa, Efrata, waut nu Betlehem es, Peor, Etam, Kulon, Tatam, Schoresch, Kerem, Galim, Bet Ter un Manocho. Daut sent alf Städa met äare aunligjende Darpa.

⁶⁰Un dan noch: Kirjat Baal, waut nu Kirjat Jearim es, un Raba; de twee Städa met äare aunligjende Darpa.

⁶¹En de Wiltnis nuadwastlich vom Soltmäa wieren noch: Bet Araba, Middin, Sechacha,

⁶²Nibschan, Ir Melach (de Solt Staut) un En Gedi. Daut sent sas Städa met äare aunligjende Darpa.

⁶³De Mana von Juda kunnen oba nich de Jebusita ut Jerusalem vedriewen. Doawäajen bleewen de Jebusita met de Lied von Juda toop bat disen Dach en Jerusalem wonen.