Read Plautdietsch (Low German) – De Bibel Josua 16 Bible Online

Josua 16 - Plautdietsch (Low German) – De Bibel bible

Josua 16

¹Daut Poat vom Launt waut Josef troff, funk biem Jordan bie Jericho, bie daut Wota von Jericho nom Oosten, aun. Un von Jericho jeit de Jrens derch de Wiltnis boajopp no Betel

²un von Betel wieda no Lus, un jeit derch no daut Launt von de Arkita no Atarot

³un jeit dan boajauf nom Wasten no daut Launt von Jaflet siene Volkjsgrupp un no daut unjaschte Bet Horon un wieda äwa Gesser nom Mäa.

⁴Josef siene Nokomen, de Stam Efraim un Manasse, kjrieejen dit Launt aus äa Oafgoot.

⁵Daut Launtstekj von däm Staum Efraim fa siene Volkjsgruppen: De Jrens von äa Oafgoot em Oosten fangt bie Atrot Adar aun un jeit bat daut bowaschte Bet Horon

⁶un von doa nom Mäa. Un bie Michmetat, waut em Nuaden licht, jeit dee trigj nom Oosten no Taanat Silo un jeit doa derch aun de oostne Sied von Janoach

⁷un jeit von Janoach rauf no Atarot un Naara un aun Jericho vebie nom Jordan.

⁸Von Tapuach jeit de Jrens nom Wasten no daut Tol Kana, un von doa nom Mäa. Dit es daut Oafgoot von däm Staum Efraim fa siene Volkjsgruppen.

⁹De Efraimita jehieeden uk aufjesondade Städa met äare Darpa toop, waut medden en däm Staum Manasse fa Efraim bestemt wieren.

¹⁰Oba see vedreewen de Kanaanita nich, waut en Gesser wonden. Soo bleewen de Kanaanita medden en Efraim wonen; see musten an oba aus Kjnajchts deenen.