Read Plautdietsch (Low German) – De Bibel Josua 19 Bible Online

Josua 19 - Plautdietsch (Low German) – De Bibel bible

Josua 19

¹Daut tweede Loss foll opp däm Staum Simeon met siene Volkjsgruppen. Un äa Oafgoot wia medden en daut Launtstekj von Juda.

²Un doabowen lagen dise foljende Städa: Beerscheba, Schema, Molada,

³Hazar Schual, Baala, Ezem,

⁴Eltolad, Betul, Horma,

⁵Ziklag, Bet Markabot, Hazar Susa,

⁶Bet Lebaot un Scharuhen. Daut sent 13 Städa met äare aunligjende Darpa.

⁷Buta däm Ajin, Rimmon, Eter un Aschan. Daut sent vea Städa met äare aunligjende Darpa,

⁸un doatoo aul de Siedlungen, waut rom dise Städa ligjen, bat Baalat Beer un Rama em Sieden. Dit es daut Oafgoot fa de Volkjsgruppen ut däm Staum Simeon.

⁹Däm Staum Simeon sien Oafgoot es ut däm Deel von däm Staum Juda jenomen. Wiels de Staum Juda mea Launt jekjräajen haud aus hee brukt, kjrieech de Staum Simeon sien Oafgoot medden en daut Launtstekj von Juda.

¹⁰Daut dredde Loss foll opp däm Staum Sebulon met siene Volkjsgruppen. Un sien Launtstekj rieekjt em Siedoosten bat Sarid,

¹¹un von doa jeit de Jrens nom Wasten äwa Marala un Dabeschet bat aun daut Tol nom Wasten han von Jokneam.

¹²De Oostjrens jeit von Sarid ut nom Nuaden aun daut Launtstekj Kislot Tabor vebie no Daberat un von doa no Jafia.

¹³Un von doa jeit dee nom Oosten no Gat Hefer un Etkazin un äwa Rimmon un dan rom no Nea;

¹⁴un von doa jeit de Nuadjrens nom Wasten äwa Hanaton no daut Tol von Jiftachel.

¹⁵Un doatoo noch de Städa Katat, Nahalal, Schimron, Jidala un Betlehem. Daut sent aules toop twalf Städa met äare aunligjende Darpa toop.

¹⁶Dise Städa met äare Darpa toop troff däm Staum Sebulon met siene Volkjsgruppen aus Oafgoot.

¹⁷Daut vieede Loss foll opp däm Staum Isachar met siene Volkjsgruppen.

¹⁸Sien Launtstekj rieekjt bat Jesreel, Kesullot, Schunem,

¹⁹Hafarajim, Schion, Anaharat,

²⁰Rabit, Kischjon, Ebez,

²¹Remet, En Ganim, En Hada un Bet Pazez.

²²De Jrens jeit aun däm Boajch Tabor äwa Schahazajim un Bet Schemesch bat aum Jordan. 16 Städa met äare Darpa toop.

²³Dise Städa met äare Darpa toop es daut Oafgoot fa däm Staum Isachar met siene Volkjsgruppen.

²⁴Daut fefte Loss foll opp däm Staum Asser met siene Volkjsgruppen.

²⁵Un de Siedjrens von sien Launt jeit von Helkat, äwa Hali, Beten, Achschaf,

²⁶Alamelech, Amad un Mischal bat aum Boajch Karmel un nom Riefa Libnat.

²⁷Aun de aundre Sied jeit de Jrens em Oosten no Bet Dagon un kjemt bat aun de Jrens vom Staum Sebulon un bat daut Tol von Jiftachel nom Nuaden han, un dan wieda äwa Bet Emek un Negiel un dan linkjsch no Kabul,

²⁸Abdon, Rehob, Hamon un Kana bat aun daut Launt von de groote Staut Sidon.

²⁹Doa dreit de Jrens rom no Rama un jeit bat de fauste Staut Tierus, un dreit doa no Hosa un jeit bat aum Mäa. To daut Launtstekj von Asser jehieeden uk Mahaleb, Achsib,

³⁰Umma, Afek un Rehob. Aules toop 22 Städa met äare aunligjende Darpa toop.

³¹Dit gaunze Launtstekj, met Städa un Darpa, foll däm Staum Asser met siene Volkjsgruppen aus Oafgoot too.

³²Daut saste Loss foll opp däm Staum Naftali met siene Volkjsgruppen.

³³Un siene Jrens jeit von Helef, von däm Ieekjenboom bie Zaananim, un dan wieda äwa Adami Nekeb un Jabneel, no Lakum un rieekjt bat aum Jordan.

³⁴Un von doa jeit dee nom Wasten no Asnot Tabor un von doa no Huckok, un kjemt em Sieden aun Sebulon naun, em Wasten aun Asser un em Oosten aum Jordan.

³⁵Un de fauste Städa opp dit Launt sent: Ziddim, Zer, Hamat, Rakat, Kinneret,

³⁶Adama, Rama, Hazor,

³⁷Kedesch, Edrei, En Hazor,

³⁸Jiron, Migdal El, Horem, Bet Anat un Bet Schemesch, aules toop 19 Städa met äare aunligjende Darpa toop.

³⁹Dit gaunze Launtstekj, met Städa un Darpa toop, foll däm Staum Naftali met siene Volkjsgruppen aus Oafgoot too.

⁴⁰Daut säwende Loss foll opp däm Staum Dan met siene Volkjsgruppen.

⁴¹Un sien Launtstekj rieekjt äwa de Städa Zora, Eschtaol, Ir Schemesch,

⁴²Schaalbim, Ajalon, Jitla,

⁴³Elon, Timna, Ekron,

⁴⁴Elteke, Gibbeton, Baalat,

⁴⁵Jehud, Bene Berak, Gat Rimmon,

⁴⁶Mejarkon, un Rakon met de Jäajent bie Jafo.

⁴⁷Däm Staum Dan oba jinkj sien Oafgoot veloaren, un de Mana von Dan jinjen un kjamften jäajen Leschem un neemen daut en un schluagen de Enwona met däm Schwieet doot. See ieejenden sikj daut too, un wonden doa bennen un nanden daut Dan, no däm Nomen von äaren Staumvoda.

⁴⁸Dit es daut Oafgoot von däm Staum Dan met siene Volkjsgruppen, met Städa un Darpa toop.

⁴⁹Aus see daut Launt en eenselne Flekja enjedeelt hauden, jeewen de Israeliten Josua, Nun sienen Sän, een Oafgoot en äare Medd.

⁵⁰No däm HARN sien Wuat jeewen see am de Staut, waut hee foddad, Timnat Serach opp daut Boajlaunt en Efraim. Un Josua bud de Staut wieda opp un wond doa bennen.

⁵¹Dit sent de Deelen von daut Launt, waut de Priesta Eleasar, un Josua, Nun sien Sän, un de Leida von de Volkjsgruppen von de Stam en Israel, en Silo ver däm HARN, ver däm Engank von daut Vesaumlungszelt, derch daut Loss vedeelden. Soo wort de Launt Vedeelunk aufjeschloten.