Read Plautdietsch (Low German) – De Bibel Openboarunk 22 Bible Online

Openboarunk 22 - Plautdietsch (Low German) – De Bibel bible

Openboarunk 22

¹Dan wees de Enjel mie een reinen Stroom von Läwenswota, kloa aus een Kristal, dee kjeem von Gott un daut Laum äaren Troon.

²Medden velenjd de Gaus, un aun jieda Sied Stroom, stunt een Läwensboom, dee 12 Fruchtarnten daut Joa druach. De Beem brochten aule Moonat äare Arnt. Un de Beembläda deenden de Velkja to de Jesuntheit.

³Un doa es kjeen vebaundet mea, wiels Gott un daut Laum äa Troon woat doabennen sennen, un siene Deena woaren am deenen.

⁴See woaren am en daut Jesecht kjikjen, un woaren sien Nomen aun äare Stierns haben.

⁵Un doa woat kjeene Nacht sennen. An woat daut uk nich aun Laumpen ooda Sonnenlicht fälen, wiels Gott de Har es fa an Licht, un see woaren von Eewichkjeit to Eewichkjeit rejieren.

⁶Dan säd hee to mie: Dise Wieed sent woarhauftich un opp to veloten, un de heilje Profeeten äa Gott un Har haft sienen Enjel jeschekjt, siene Deena to wiesen, waut nu boolt passieren mott.

⁷Kjikjt emol, ekj kom boolt! Seelich es dee, dee sikj aun de profeetische Wieed en dit Buak helt.

⁸Un ekj, Johanes, sie dee, dee dit hieed un sach. Un aus ekj dit jehieet un jeseenen haud, foll ekj ver dän Enjel dol, om auntobäden, dee mie dit jewäsen haud.

⁹Dan säd hee to mie: See doano, daut du daut nich doonen woascht! Wiels ekj sie dien Metkjnajcht un de Metkjnajcht von diene Breeda de Profeeten, un von aule, dee sikj aun de Wieed en dit Buak hoolen. Bäd Gott aun!

¹⁰Un hee säd to mie: Veschlut de profeetische Wieed en dit Buak nich met een Säajel, wiels de Tiet es boolt hia.

¹¹Wäa ojjerajcht es, däm lot ojjerajcht bliewen, un wäa orrein es, däm lot orrein bliewen; oba wäa jerajcht es, saul wiedahan jerajcht bliewen, un wäa heilich es, saul wiedahan heilich bliewen.

¹²Kjikjt mau, ekj kom boolt, un hab mienen Loon met, een jiedrem doano to jäwen, waut siene Woakjen jewast sent.

¹³Ekj sie daut A un daut Oo, de Aunfank un daut Enj, de Ieeschta un de Latsta.

¹⁴Seelich sent, dee doa doonen waut hee befolen haft, [16] daut see een rajcht toom Läwensboom haben, un derch de Puaten en de Staut nenn gonen kjennen.

¹⁵Wiels buten sent de Hunj un de Zaubra un de Huara un de Merda un de Jettadeenen un aula, dee wellich lieejen un daut eendoont es.

¹⁶Ekj, Jesus, hab junt mienen Enjel met dit Zeichnis fa de Jemeenten jeschekjt. Ekj sie de Wartel un kom uk von David sienen Staum. Ekj sie de schienenda Morjenstiern.

¹⁷Un de Jeist un de Brut sajen: Komm! Un wäa daut hieet, dee saul uk sajen: Komm! Un wäm darscht, däm lot komen. Un wäa doa well, saul daut Läwenswota emsonst nämen.

¹⁸Ekj woarn jieda eenem, dee de profeetische Wieed en dit Buak hieet: Wäa doa irjentwaut toosat, däm woat Gott de Ploagen toosaten, von dee en dit Buak jeschräwen stonen.

¹⁹Un wäa von de profeetische Wieed en dit Buak wajchnämen woat, däm woat Gott sien Poat vom Läwensboom, un von de heilje Staut wajchnämen, wuavon en dit Buak jeschräwen steit.

²⁰Un dee dit jesajcht haft, sajcht: Jo, ekj kom boolt. Amen, jo komm, Har Jesus!

²¹Mucht däm Harn Jesus siene Jnod met junt aula [17] sennen! Amen.