Read Pochuri Naga 1 KÜSHUKÜRAZHÜKU 26 Bible Online

1 KÜSHUKÜRAZHÜKU 26 - Pochuri Naga bible

1 KÜSHUKÜRAZHÜKU 26

¹Kherikühuori kenüh küüsuo: Korari kenüh Asaf tsari azhievü Kore atsa Meshelemia.

²Thi Meshelemia tü atsa nyimpari peh khe: küwuo khuwa Zekharia, künyiawa Jediael, kücheawa Zebadia, müzüawa Jatnial,

³müngaawa Elam, türoawa Jehohanan, türüawa Eliehoenai.

⁴Thi Obededom atsari: küwuo khuwa Shemaia, künyiawa Jehozabad, kücheawa Joa, müzüawa Sakhar, müngaawa Nethanel,

⁵türoawa Amiel, türüawa Issachar, tüzeawa Peulethai; küpakenühnyunü Saküüwuowa nüh tsia ma kütsü kenüh.

⁶Jüsevü nga ma tsa Shemaia vü ma pari zhehlori vü takrüri küsakenüh atsari wuotsü, küpakenühnyunü mari tü zanyo küsarashehnyiri küsa kenüh.

⁷Shemaia tsari: Othni, Refael, Obed, thi Elzabad, ma jienüri Elihu thi Semakhia tü küsara nyiri.

⁸Hamari aveh tü Obededom atsari, mari tsari thi ajienüri zanyo küsake nüh küsara nyiri kheh; Obededom nyi zanyoküsara rorake nü künyi.

⁹Thi Meshelemia tü atsa thi ajienü peh khe, küsara nyiri türatüze.

¹⁰Thi Merari tsari Hosa tü atsa peh khe: Shimri levüwa (ma nüh küwuo khuwa anyu wie ketünga ma pa nüh ma vi lehvüwa küsa),

¹¹Hilkiah nüh künyiawa, kücheawa Tebalia, müzüawa Zekharia: Hosah tsari thi ajienüri aveh türaküche.

¹²Kherikühuo küüsuo hamari tü mari jienüri nüh küsa üta maleri vü nyiri vü VÜWA zheh vü anasa küüsa;

¹³mari tü apara zhehlo vünüh küzah thi aküji nga küzarike vünüh mari kheri kenüh aküze sa.

¹⁴Zhiehshu wuovü kenüh aküzewa Shelemia vü tsuotsake. Mari tü matsa Zekharia, kümahtsa süphiekütsüwa kenüh nga aküze sa, thi maküzewa tü zhiehtüvü kenüh shuteru.

¹⁵Obededom kenüh zhieseh wuovü shuteru, thi ma tsari vü zanyoküsazheh totsüm.

¹⁶Shupim thi Hosa kenüh thuoüji Shalekhet akheri lehkhuji tekükhru zhiehtu wuovü shuteru. Noteküpeh küüroh küsuotsü.

¹⁷Zhiehshu wuovü rülo küsü vü nyi türo, zhiehtü wuovü rüloküsü vü nyi müzü, zhieseh wuovü rülo küsü vü nyi müzü, jükümjie zanyoküsazheh vü nga nyi künyi;

¹⁸thi ashiehku kenüh zhiehtu wuovü thuoüji lehkhuji vü müzüpehveh thi künyi ashiehku vü pehveh.

¹⁹Hamari tü Korari thi Merari atsari azhievü kherikühuo küsuoküsari.

²⁰Thi Leviri thuoüji Ahija nüh Saküüwuowa zheh künyirhieri thi aküte kümthü künyirhieri ashu küsa.

²¹Ladan atsari, Gershon tsari Ladan vü küpehri thuoüji Gershonri Ladan vü küpeh apara zhehlo alüri ashu: Jehieli.

²²Jehieli atsari, Zethan thi ma nü Joel, masü nüh VÜWA zheh künyirhieri vü ashu sa.

²³Amramri, Izharri, Hebronri, thi Uzzielri,

²⁴Gershon atsa Shebuel, Mosa atsanüh künyirhieri vi ashu aküjilevüwa sa.

²⁵Ma jienüri: Eliezer vünüh ma tsa Rehabia, thi ma tsa Jeshaia, matsa Joram, ma tsa Zikhri, thi ma tsa Shelomot.

²⁶Shelomot hama thi ma jienüri nüh, David kajiwa, apara zhehlori alüri, anyieri thi müzari anyievü küjiri, thi thopahiri sierhüri nüh müthü küsa künyirhieri nyiehvü ashu sa.

²⁷Arie vünüh zhechiehküvirari mari VÜWA zheh vü küücheküku kenüh aküteri mari nüh müthü.

²⁸Jüsevü nga setsazhüküphrawa Samuel, Kish atsa Saul, Ner atsa Abner, thi Zeruia atsa Joab nüh aküteri kümüthü aveh Shelomot thi ma jienüri nüh künote sa.

²⁹Izharri, Khenania thi ma tsari nüh aküjiri thi lesari kümjie vünüh Israel kenüh alievü küürohri chieketsü.

³⁰Hebronri, Hashabia thi ma jienüri, anyie küsü nü müza türü küsara nyiri nüh VÜWA küüroh thi David kajiwa zanyoküsari Israel zhiehtu wuovü küno sa.

³¹Hebronri, Hebronri vü Jerija nüh küthsoküzhi nyutü apari zhehlori küsüküsü vü nga levü sa. (David kükaji mahvi zürakewa kürütso sanü mari azhievü Gilead vü Jazer vünüh küsara nyiri khielohti ngura).

³²Kajiwa David nüh ma thi ma jienüri küsara nyiri anyie künyi nü müza türü, apara zhehlo vü alüri chieke nü Reubenri, Gadri thi Manase kuoh küzhilari tü Saküüwuowa zanyo ta küsa aveh thi kajiwa küürohri kenüh ti küüno nti sa.