Read Pochuri Naga 1 KÜSHUKÜRAZHÜKU 27 Bible Online

1 KÜSHUKÜRAZHÜKU 27 - Pochuri Naga bible

1 KÜSHUKÜRAZHÜKU 27

¹Hamatü Israel nyiri apara zhehlo alüri, anyieri thi müzakerisierhüri thi kajiwa kütsüküüna küjiri zanyo aveh vü küsuo nü küru küwa küsa, mahvi ajü asasa vünüh, küüsuo küsüsü vü anyie mükeke nü müzü.

²Zabdiel atsa Jashobeam nüh asa apowa vü küüsuo powa ashu sa; ma riehkhuo vü anyie mükeke nü müzü.

³Ma tü Perez küthsoküzhiri, thi asa apowa vü ma nüh thopahiri sierhüri aveh vü lehvüwa sa.

⁴Asa künyiawa vü Dodai Ahohitwa nüh rieh huo ashu sa; ma rieh huo vü anyie mükeke nü müzü.

⁵Khazhu kücheawa, asa kücheawa kenüh Jehoiada navüwa tsa Benaia nüh levüwa kümjie sa; ma rieh huo vü anyie mükeke nü müzü.

⁶Benaia hama tü anyi kükhra cherakeri vü küsü thi cherakeri vü azhühtsüwa sa; ma tsa Amizabad nüh ma riehkhuo vü ashuwa.

⁷Joab anü Asahel nüh müzüawa, asa müzüawa, thi ma tsa Zebadia nüh ma sewa; ma riehkhuo vü mükeke nü müzü.

⁸Asa müngaawa kenüh khazhu müngaawa thuoüji Izrari Shamhut; ma riehkhuo vü anyie mükeke nü müzü.

⁹Türoawa, asa türoawa kenüh Tekoiwa Ikesh atsa Ira; ma riehkhuo vü anyie mükeke nü müzü.

¹⁰Türüawa, asa türüawa, Efraim tsari, Pelowa Helez; ma riehkhuo vü anyie mükeke nü müzü.

¹¹Tüzewa, asa tüzeawa kenüh thuoüji Zera akuoh Hushatwa Sibekai; ma riehkhuo vü mükeke nü müzü.

¹²Tüguawa, asa tüguawa thuoüji Benjamin kuoh vünüh Anathoth ri Abiezer; ma riehkhuo vü anyie mükeke nü müzü.

¹³Türawa, asa türawa thuoüji Zeria vünüh Metofa ri Maharai; ma riehkhuo vü anyie mükeke nü müzü.

¹⁴Türaküsüwa, asa türaküsüawa kenüh Efraim tsari Pirathon ri Benaia; ma riehkhuo vü anyie mükeke nü müzü.

¹⁵Türakünyiawa, asa türakünyiawa kenüh Othniel vünüh Metofatri Heldai; ma riehkhuo vü anyie mükeke nü müzü.

¹⁶Israel akuoh anyiehvü, Reubenri kenüh Zikri atsa Eliezer nüh küjiwa levü sa; Simeon ri kenüh Maka atsa Shefatia tsanüh sa;

¹⁷Levi kenüh, Kemuel atsa Hashabia; Aron kenüh Zadok;

¹⁸Judah kenüh Elihu, David nüri küsü; Issachar kenüh Maikhael atsa Omri;

¹⁹Zebulun kenüh Obadia atsa Ishmaia; Naftali kenüh Azriel atsa Jeremot;

²⁰Efraimri kenüh Azazia atsa Hoshea; Manase kuoh küzhilawa kenüh Pedaia atsa Joel;

²¹Gilead vü Manase kuoh küzhilawa kenüh Zekharia atsa Iddo; Benjamin kenüh Abner atsa Jasiel;

²²Dan kenüh Jeroham atsa Azarel. Hamari tü Israel kuohri kenüh sierhüri.

²³David tü akürho mahvi mükeke kükhu vü thuoüji mükürüh, küpakenühnyunü VÜWA nüh Israel tü atülü vü wutsiri zake küzhinta phrahzhukümthuoh kenüh.

²⁴Zeruia atsa Joab thuoüji küürüh sate, thitü mükürühkhe nüh sam; tü hama kenüh Israel lü vü arüküshuteru; thi küürühwa tü kajiwa David Küshukürari zhüku vü müturu nüh sam.

²⁵Kajiwa künyirhieri nyiehvü Adiel atsa Azmaveht; thi nyuji künyirhieri nyiehvü, anyujiri vü, anyuzari thi küriekerikünyirhieri nyiehvü thuoüji Uzziah tsa Jonathan nüh sa;

²⁶thi Khelub atsa Ezri nüh azhuh vü kükhahu küürohri nyiehvü sa;

²⁷rhelivizhuhri vü thuoüji Ramatwa Shemei; thi rhelivi khahküvizhu zhehlori thuoüji Shifamwa Zabdi.

²⁸Shefela vü Olive thi rürüvithsoh vü thuoüji Gederwa Baal hanan nüh; vüjuh ashühzheh nyiehvü thuoüji Joash nüh.

²⁹Sharon vü arekümrhuo mieshümiesari nyiehvü thuoüji Sharonri Shitraiwa nüh; anyuo vü mieshümiesari nyiehvü thuoüji Adlai atsa Shafat nüh.

³⁰Ut nyiehvü thuoüji Ishmaelri Obilwa nüh; thi rawuh awierinyiehvü thuoüji Meronotri Jehdeia nüh. Anyihnyihri nyiehvüthuoüji Hagritri Jaziz nüh.

³¹Hamari aveh tü kajiwa David tsokrü kütsüküsari kheh.

³²David püza Jonathan tü küsüphieri küsü, zanyo kümshethsü thi küchiekürhü küpehri küsü, ma thi Hakmoni atsa Jehiel masü tü kajiwa tsari küsieri.

³³Ahithofel thuoüji kajiwa küsüphieri, thi Arkhit Hushai thuoüji kajiwa füwa.

³⁴Benaia tsa Jehoiada, thi Abiathar masü nüh Ahithofel müthoh sa. Joab nüh kajiwa thopahiri sierhüwa.