Read Pochuri Naga 1 KÜSHUKÜRAZHÜKU 5 Bible Online

1 KÜSHUKÜRAZHÜKU 5 - Pochuri Naga bible

1 KÜSHUKÜRAZHÜKU 5

¹ Reuben, Israel atsa küwuo khuwa (ma nüh wuo khu; thitü ma nüh ma pa aze sakümne küm kenüh, ma kükhruo suohpewa Josef, Israel tsawatsari vü tsüm, jükenüh ma nü kükhruo suohpe küthsoküzhi vü teke müsanüh sam;

²Judah tü ma jienüri azhievü kümzho thi kajitsari küsü ma vünüh ru wie ketünga kükhruosuopewa tü Josef azhi satewa.)

³Israel vünüh küwuo khuwa Reuben tsari: Hanok, Palu, Hezron, thi Karmi.

⁴ Joel atsari: ma tsa Shemaia, ma tsa Gog, ma tsa Shemei,

⁵ma tsa Mika ma tsa Reaia, ma tsa Baal,

⁶ma tsa Bera, Assiria kajiwa Tiglat-pileser nüh aküsi vü reteküwawa; ma tü Reubenri avüwa.

⁷Thi ma küshukürara tharuo vünüh mari wuhleri vünüh küthsoküzhiri levüwa Jeiel, thi Zekharia ti sie ke.

⁸Bela tü Azaz atsa, Shema atsa Joel atsa, Aroir vü kürhowa Nebo vünüh thi Balmeon küju rho.

⁹Ma tü zhiehshu wuovü küpohu vü kütu Eufrates ha wuovü kürho sa, küpakenühnyunü mari seshuh tü Gilead azhih vü zhiteküwa kenüh.

¹⁰Thi Saul tsotho vü mari tü Hagri vü arie sanü mari tü mari ake vünüh küluküm sa; thi mari tü Gilead zhiehshu asuo aveh vü ma juhthsüzhehri vü kürho sa.

¹¹Gad atsari tü mari lüvü wiejieluo nü Bashan zhih vünüh Saleka küju kürho sa.

¹²Joel levüwa, Shafan künyiawa, Janai, thi Bashan vü Shofat.

¹³Thi mari küshukürari ma pari zhehlori kümzho: Maikhael, Meshulam, Sheba, Jorai, Jakan, Zia, thi Eber, mari türü.

¹⁴Hamari tü Huri tsa Abihail tsari, Jaroa atsa, Gilead tsa, Maikhaeltsa, Jeshishai tsa, Jado tsa, Buz tsa;

¹⁵Abdiel tsa Ahi, Guni atsa tü ma pari zhehlori vü levü sa;

¹⁶thi mari tü Gilead vü, Bashan vü, thi zhithe suori vü, thi Sharon zhih arekümzhi aveh vü jümari arüshu küju kürho sa.

¹⁷Hamari aveh tü Judah kajiwa Jotham thi Israel kajiwa Jeroboam tsotho vünüh küthsoküzhiri vünüh zhüke.

¹⁸Reubenri, Gadri, thi Manase akuoh küzhilari tü asükütüri, mari tü ajoh huo, anyuchuwa kha, thi alawih nga heh, arie vü küsathsüri, anyie zürake müzü müza türü nü rorake tü arie kenüh küchejutaji küpeh sa.

¹⁹Mari tü Hagri vü, Jetur, Nafish, thi Nodabri vü arie sa;

²⁰thi mari tü mari vü küükra küngura vü Hagri thi mari siekütseri aveh tü mari ake vü thsem, küpakenühnyunü arie vü mari nüh Saküüwuowa vü küzie kenüh, thi mari nüh ma alehküno kenüh ma nüh mari kükhuo satsü.

²¹Mari nüh mari ase-ashuh vitewa kheh: mari ut anyie tünyieke, nyihzhü anyie müza künyi nü tünyieke, rawuh anyie künyi, thi anyiri kümrho anyie müzake,

²²küpakenühnyunü ariewa tü VÜWA zhi küsa kenüh anyiri hozake zothem. Mari aküsi müjie sateküwa küju nü mari tü mari azhih vü kürho sa.

²³Manase küzhila nyitori tü azhih jüla kürho sa; mari tü Bashan vünüh Balhermon, Senir, thi Hermon küzhi küju müküürührhühra satewa.

²⁴Mari pari zhehlori vü hamari nüh alüri: Efer, Ishi, Eliel, Azriel, Jeremia, Hodavia, thi Jadiel, arienyi kükhrari kütholah nyiri, mapari zhehlori vü alüri.

²⁵Thitü mari tü ma pari Saküüwuowa vü küphrürie sam, sanü Saküüwuowa[2] nüh mari tüvü nüh zorieküm azhih jüla nyiri nyiazari sie zanyo kümsü sa.

²⁶Jükenüh Israel Saküüwuowa nüh Assiria Pul kajiwa sietse, Assiria kajiwa Tiglat-pileser sietse küke tsü nü ma nüh mari retewa, jümari tü Reubenri, Gadri, thi Manase kuoh küzhilari sie nü nosü küju nga Hala, Habor, Hara, thi Gozan rühgu vü teru.