Read Pochuri Naga 1 KÜSHUKÜRAZHÜKU 9 Bible Online

1 KÜSHUKÜRAZHÜKU 9 - Pochuri Naga bible

1 KÜSHUKÜRAZHÜKU 9

¹Jükenüh Israel aveh tü küshukürari vünüh zhüke kheh; thi hamari tü Israel kajiri Lasipha lovü rhüsaveh. Judah tü Babilonvü aküsi siesatewa, küpakenühnyunü mari müküzhütsa nyitsa kenüh.

²Mari zhezhuh ma nyujiri vü kürho khuri thuoüji Israel, navüri, Leviri, thi kükhurüpe vü sieperi.

³Thi Judah Benjamin, Efraim, thi Manase wuori thuoüji Jerusalem vü kürho sa.

⁴Amihud tsa Uthai, Omri tsa, Imri tsa, Bani tsa, Judah tsa Perez tsari vünüh.

⁵Thi Shilonri: küwuo khuwa Asaia, thi ma tsari.

⁶Zera atsari: Jeuel thi mari küshuküra nyiri, müza türo nü guhrake.

⁷Benjaminri akuoh: Meshulam atsa Salu, Hodavia tsa, Hasenuah tsa,

⁸Ibneia tü Jeroham atsa, Ela tü Uzzi tsa, Mikhri tsa, thi Meshulamtü Shefatia atsa, Reuel tsa, Ibnija atsa;

⁹thi mari küshuküra nyiri mari wuhleri müzhe nü müza tüguh tünyieke nü türo. Hamari aveh tü ma pari zhehlori müzhe taji apara zhehlori alüri.

¹⁰Navüri: Jedaiah, Jehoiarib, Jakhin,

¹¹thi Azaria tü Hilkiah atsa, Meshulam atsa, Zadok tsa, Meraiot tsa, Ahitub tsa Saküüwuowa zheh vü navü küjiwa;

¹²thi Adaiah tü Jeroham tsa, Pashur tsa, Malkhija tsa, thi Masai tü Adiel tsa, Jazera tsa, Meshulam tsa, Meshilemit tsa Imer tsa;

¹³Mari küshuküra nyiri nyiehvü ma pari zhehlori alüri anyie küsü müza türü nü rorake, Saküüwuowa zheh vü küüroh küsa kenüh küsashehra nyiri kheh.

¹⁴Leviri: Hashub tsa Shemaua, Azrikam tsa, Hashabia tsa, Merari tsari;

¹⁵thi Bakbakar, Heresh, Galal, thi Matania tü Mika tsa, Zikhri tsa, Asaf tsa;

¹⁶thi Obadia Shemaia tsa, Galal tsa, Jeduthun tsa, thi Berekhia tü Asa tsa, Elkanah tsa, Netofatri anyuri vü kürhori.

¹⁷Kheri kühuori thuoüji: Shalum, Akub, Talmon, Ahiman, thi mari küshuküranyiri (Shalum nüh levüwa),

¹⁸tsotho jüla nüh kajiwa kheri zhiehshu wuovü küpehzhie sa. Hamaritü Levira kürünape kheri kühuori.

¹⁹Shalum tü Kore tsa, Ebiasaf tsa, Kora tsa, thi ma pari zhehlo küshuküranyiri, Korari tü küüroh küsa vü ashu küsari, juhthsüzheh kheji kühuori, mari pari nüh VÜWA kürünape vü ashu küsa üta mari tü lehpie kühuori.

²⁰Thi Eleazar tsa Finehas nüh tsotho teküwa vü mari nyiehvü takrüwa sa; thi VÜWA nüh ma siekütse sa.

²¹Meshlemia tsa Zekharia tü müzakümhu juhthsüzheh lehpie vü kühuowa.

²²Akheji vü kühuo nta kürükari hamari aveh tü müza künyi nü türakünyi. Mari tü mari anyuvü küthsoküzhi vünüh teke sa. David thi Samuel setsazhüküphrawa nüh mari nüh tsotü küsa müpezhe vü mari vizhutsü.

²³Jüti küsa vü mari thi mari tsari tü VÜWA zheh kheri vü ashu sa, jüma tü juhthsüzheh vü rieh huori sa.

²⁴Kheri kühuori tü jekie müzü wuovü nüh sa: zhiehshu, zhiehtu, zhiehtü, thi zhiehseh vü sa;

²⁵thi mari küshuküranyiri mari anyu vü kürhori tü rülo türü vünüh küsükeri ruküpeh huo satsü, tsotho-tsotho vünüh hamari sieküpehsatsü;

²⁶kheri kühuo levü Levi müzüri tü Saküüwuowa zheh vü azhehlori thi künyirhieri vü ashu küsari.

²⁷Mari nüh Saküüwuowa zheh natonato vü peh khe; küpakenühnyunü mari vü künote küüroh, thi rüne kürüzhu sakütsü ashu sakütsükenüh.

²⁸Mari wuori thuoüji küüroh ahuo-khuri küvi tsü, küpakenühnyunü viküturu thi viteküwari mari nüh jümari mükürüh üji mükümhie kenüh.

²⁹Mari küpari thuoüji apeze vü, thi kümtse huokhu aveh vü, jüsevü nga ahie nyiehvü, akhah nyiehvü, avüjuh, sierhe wavü, thi küüngukümie nyiehvü chieke.

³⁰Anavüra tsa küpari thuoüji, küüngukümieri küche nü küwurü vü chieke,

³¹thi Matithia, Leviri azhievü nyi küsü, Shalum Kora atsa küwuokhuwa thuoüji kürühpuo tiehshu küsa vü ashu sa.

³²Jüsevü nga Kohatri küshuküra nyiri wuori thuoüji küütsalohse kümnyirülo kürüzhu sana küsa kenüh ashu satsü.

³³Hamari tü azah küsari, Levi vü apara zhehlori vü alüri, mari tü kükhurüzheh alowa vü kürho sa, küpakenühnyunü mari tü küüroh vü rüza rülo küpeh huo kenüh.

³⁴Hamari tü Leviri apara zhehlori vü alüri mari wuhle müzhe nüsierhü küsa Jerusalem vü kürhori.

³⁵Gibeon vü Gibeon pa, Jeiel, thi ma vüvüh anyo Maka,

³⁶thi ma tsa küwuo khuwa Abdon, jüsevü Zur, Kish, Baal, Ner, Nadab,

³⁷Gedor, Ahio, Zekharia, thi Miklot ti kürho sa;

³⁸thi Miklot tü Shimeam apa; hamari nga Jerusalem vü mari küshuküra nyiri sie wiejieluo nü mari küshuküranyiri sie kürho sa.

³⁹Ner tü Kish apa, Kish tü Saul pa, Saul tü Jonathan, Malkhishua, Abinadab, thi Eshbal apa;

⁴⁰Jonathan tsa thuoüji Meribal; thi Meribal tü Mika apa.

⁴¹Mika tsari: Pithon, Melek, Tarea, thi Ahaz;

⁴²thi Ahaz tü Jara pa, thi Jara tü Alemet Azmaveht, Zimri apa; Zimri tü Moza apa.

⁴³Moza tü Binea apa; thi Refaia tü ma tsa, Eleasa atsa, ma tsa Azel.

⁴⁴Azel tü atsa nyimpari türo peh, thi hamari tü mari anyo: Azrikam, Bokheru, Ishmael, Shearia, Obadia, thi Hanam; hamari tü Azel atsari.