Read Pochuri Naga EZRA 10 Bible Online

EZRA 10 - Pochuri Naga bible

EZRA 10

¹Ezra nüh kükhuo sa thi küphrahzhu sa, krie thi Saküüwuowa azheh tüvü ma mpa külu nü küzeh vü müza shieji küsü, nyimpari, krevühri, thi atsari ti Israel vünüh ma vü sezhuh; küpakenühnyunü anyiri tü khielota krieteküwa kenüh.

²Jüti küsa vü Elam tsari küsü, Jehiel atsa Shekaniah nüh Ezra vü: “Hiri tü kütsotü Saküüwuowa sie zokhuom nü azhih hama nyiri vünüh alievühri zamthuoh, thitü hama müthoh vünüh khinyi nga Israel tü küluozhe pehveh.

³Jükenüh eh VÜWA nüh thi hiri Saküüwuowa nüh azhükütsü vünüh khekheta küüshühri nüh shikekütsü müzhe nü hiri Saküüwuowa sie küzhühthuo sanü avüvüh hamari aveh thi mari tsari aveh tijam ünüh raluo; thi jüma tü khonyo müzhe nü küüsaluo.

⁴Sühraluo, küpakenühnyunü jüma tü nohri küüroh, thi hiri tü nohri vü pehküveh kenüh; müzho nü jüma saluo,” ti küza.

⁵Jüti sanü Ezra tü sühra nü mari nüh sa nta küüza üta navüri, Leviri sierhüsiewu küsari thi Israel aveh ti küüshietsa. Jükenüh mari tü küüshietsa.

⁶Thinü Ezra tü Saküüwuowa zheh atüvü nüh tewa nü Eliashib atsa Jehohanan zhehlovü tu nü arüza vü jüla pehtewa, ma tü lohse nga mütsa thi ajuh nga müzhu; küpakenühnyunü ma tü retewa nü sheleküru müküzhütsa nyitsari kenüh kürümuo küsa kenüh.

⁷Aküsi sanü sheleküruri Jerusalem vü sezhuh na küsa kenüh Judah thi Jerusalem aveh vü küzhüchüh küsü mari aveh vü sa,

⁸thi mükütüküzü nyi küsü nüh rülo küche azhie vünüh müru thuoüji, aküjiri thi kükhruori aza vünüh ma zhi aveh müküvira sam naveh, thi ma wienga aküsiküsa müzawa vünüh ma müküchieke samnathuoh.

⁹Jüti küsa vü Judah thi Benjamin aveh rülo küche vünüh Jerusalem vü sezhuh khe; jüma tü asa tüguawa rülo mükeke vü. Anyiri aveh tü Saküüwuowa azhetü anyula vü shupeh nü azhühnyo hama kenüh thi khielohta atsohkürü kenüh ti khekheti küshüh.

¹⁰Thinü Ezra navüwa tü sühra tsie nü mari vü, “Nohri tü phrürie mthuoh thi alievühri zamthuoh, jüti sanü Israel müküle saküzhimthuoh.

¹¹Jükenüh khinyi VÜWA nohri para Saküüwuowa vü küphrahzhu sanü ma külo saluo; nohri mpa nüh azhih hama nyiri vünüh thi alievühri küza vünüh saküpam luo,” ti küza.

¹²Thinü sezhuh küveh aveh nüh ajikhi zie taji, “Jüma azhütsawiethuoh; noh nüh küüza üta hiri tü müsaji mümhie wiethuoh,” ti rületsü.

¹³Thitü anyiri tü zhi sheh, thi khielohta atsohkürü tsotho sahü; hiri tü alievü mütsiera nüh sa. Jümpa mükünyu hamatü rüloküsü nyutü rülo künyi küüroh nyu nüh sam; küpakenühnyunü hiri tü azhühnyo hama vü phrürie küji shehkümthuoh kenüh.

¹⁴Hiri küjiri tü kümhuwa aveh kenüh küütsie luo; hiri nyujiri thari nüh alievühri vi nüh aveh kütekütsü tsothori vü anyuji aveh kükhruori thi lesari nüh mari vü nyi küüru luo, jüti sanüh ma kenüh Saküüwuowa rükümtho müküüzhikerawa hiri vü küpehwa hiri vünüh müjie kükete küwa küju nü jüti vünüh saluo, ti küza.

¹⁵Tikva atsa Jazeia thi Asahel atsa Jonathan masü mpa nüh hama küwuluo wie, thitü Leviri Meshulam thi Shabethai masü thuoüji mari apovi.

¹⁶Jüti sanü aküsiküsa shelete küruri tü jüüta vünüh satsa. Ezra navüwa nüh ma pari zhehlori müzhe nü apara zhehlo vü alüri rüka, mari nyi küsüsü wienga anyo vünüh rhü. Azhühnyowa rüzheno na küsa kenüh asa türawa rülo pokhu vü mari tü shupeh;

¹⁷thi asa pokhuwa rülo pokhu vü mari tü alievühri küza anyiri aveh sehkhewa vü ru.

¹⁸Anavüra tsa alievühri küzari küngura Jozadak atsa Jeshua tsari thi ma jienüri Maseia, Eliezer, Jarib, thi Gedalia.

¹⁹Mari tü mari vüvühri jam nathuoh ta shietem, thi mari nüh namuo kümkenüh mari müküju küsa kenüh anyihnyihza vünüh nyihzhüvo küsü vikhurü.

²⁰Imer atsari: Hanani, thi Zebadia.

²¹Harim atsari: Maseia, Elijah, Shemaia, Jehiel, thi Uzziah.

²²Pashur atsari: Elisenai, Masaia, Ishmael, Nethanel, Jozabad, thi Elasa.

²³Leviri: Jozabad, Shimei, Kelaia, (Jümatü Kelita), Pethahia, Judah, thi Eliezer.

²⁴Azah küsari: Eliashib, kherikühuori: Shalum, Telem, thi Uri.

²⁵Israel küpari: Parosh atsari Ramia, Izia, Malkhija, Mijamin, Eleazar, Hashabia, thi Benaia.

²⁶Elam atsari: Matania, Zekharia, Jehiel, Abdi, Jeremot, thi Elijah.

²⁷Zatu atsari: Elioenai, Eliashib, Matania, Jeremot, Zabad, thi Aziza.

²⁸Bebai atsari thuoüji Jehohanan, Hanania, Zabai, thi Atlai.

²⁹Bani atsari thuoüji Meshulam, Maluk, Adaiah, Jashub, Sheal, thi Jeremot.

³⁰Pahatmoab atsari: Adna, Khelal, Benaia, Maseia, Matania, Bezalel, Binui, thi Manase.

³¹Harim atsari: Eliezer, Ishija, Malkhija, Shemaia, Shimeon,

³²Benjamin, Maluk, thi Shemaria.

³³Hashum atsari: Matenai, Matata, Zabad, Elifelet, Jeremai, Manase, thi Shimei.

³⁴Bani tsari: Madai, Amram, Uel,

³⁵Benaia, Bedeia, Kheluhi,

³⁶Vaniah, Meremot, Eliashib,

³⁷Matania, Matenai, Jasu.

³⁸Benui atsari: Shimei,

³⁹Shemia, Nathan, Adaiah,

⁴⁰Maknadebai, Shashai, Sharai,

⁴¹Azarel, Shelenia, Shemaria,

⁴²Shalum, Amaria, thi Josef.

⁴³Nebo atsari: Jeiel, Matithia, Zabad, Zebina, Jadai, Joel, thi Benaia.

⁴⁴Hamari aveh alievühri za kheh nü mari vüvüh nga thi mari atsaringa ti jakhehm.