Read Pochuri Naga NEHEMIA 11 Bible Online

NEHEMIA 11 - Pochuri Naga bible

NEHEMIA 11

¹Jüti küsa vü anyira sierhüri tü Jerusalem vü rhopeh; thi anyiküpari thuoüji anyi türake vü nyi küsü vizhu nü kümtse nyujiwa Jerusalem vü kürho, thi küpa tüguhri nüh anyu küpari vü, ti sana küsa kenüh mari aküze sa.

²Thi thari nüh lozhe nü Jerusalem vü rho naveh ünüh anyiri nüh mari vü tsiatsü.

³ Hamari tü Jerusalem vü kürho anyu lehvüri; thitü Judah nyujiri vü nyi küsü nga mari nyujiri vü ma zhih vü rho: Jümari tü Israel, anavüri, Leviri, kükhurüzheh sieperi, thi Solomon küthsoküzhira sieperi.

⁴Thi Jerusalem vü Judah atsari thi Benjamin atsari ti wuori rho. Judah atsari: Uzziah atsa Athaia, Zekharia atsa, Amaria atsa, Shefatia atsa, Mahalalel tsa, Perez atsari;

⁵Thi Barukh atsa Maseia, Kol-hozen atsa, Hazaia tsa, Adaiah tsa, Joiarib atsa, Zekharia atsa, Shilon atsa.

⁶Perez atsari Jerusalem vü kürhori aveh müza müzü rorake nü tüzeluoveh küze anyiri.

⁷Hamari tü Benjamin tsari: Meshulam atsa Salu, Joed atsa, Pedaia atsa, Kolaia atsa, Maseia atsa, Ithiel tsa, Jeshaia tsa.

⁸Thi Gabai sevü Salai, müza tüguh mükeke nü tüze.

⁹Zikhri atsa Joel nüh mari künoziwa; Hasenuah atsa Judah nüh anyujiwa nyiehvü küpeh künyiawa.

¹⁰Anavüri: Joiarib atsa Jedaiah, thi Jakhin.

¹¹Hilkiah atsa Seraia, Meshulam atsa, Zadok atsa, Meraiot atsa, Ahitub atsa, Saküüwuowa zheh vü takrüwa.

¹²Thi kükhurüzheh vü küüroh mari jienüri müza tüze mükeke nü künyi, thi Jeroham atsa Adaiah, Pelalia atsa, Amzi atsa, Zekharia atsa, Pashur atsa, Malkhija atsa.

¹³Thi ma jienüri, apara zhehlo vü alüri müza künyi zürake nü künyi; thi Amashsai, Azarel atsa, Azai tsa, Meshilemot atsa, Imeratsa,

¹⁴thi mari jienüri, asükütü kümzho nyiri müzake mükeke nü tüze; mari noziwa thuoüji Hagedolin atsa Zabdiel.

¹⁵Thi Leviri: Hashub atsa Shemaia, Azrikam atsa, Hashabia atsa, Buni atsa.

¹⁶Thi Shabethai thi Jozabad, Levira lehvüri, hamari tü Saküüwuowa zheh alie wuovü küüroh alüri.

¹⁷Thi Mika atsa Matania, Zabdi atsa, Asaf atsa, ma tü kükhuo küsavü kümnakütsüte sierhüwa, thi ma jienüri azhievü akünyiawa thuoüji Bakbukia; thi Shamua atsa Abda, Galal atsa, Jeduthun atsa.

¹⁸Kümtse nyujiwa vü Leviri müza künyi zerake nü müzü.

¹⁹Kherikühuori, Akub, Talmon thi mari jienüri, mari kherihuoküpehri müzake rürake nü künyi.

²⁰Thi Israel küpari, navüri thi Leviri ti mari aveh tü Judahnyujiri vü papara akaküvi vü rho.

²¹Thitü kükhurüzheh sieperi thuoüji Ofel rügivü rho; thi Ziha thi Gishpa masü nüh kükhurüzheh sieperi anyiehwa sa.

²²Jerusalem vü Levira noziwa thuoüji, Bani atsa Uzzi, Hashabia atsa, Matania atsa, Mika atsa, Asaf atsa, azahküsari Saküüwuowa zhehküüroh vü anyiehwa,

²³küpakenühnyunü makeri’a nüh kajiwa vünüh azhükütsü küsü peh nü azahküsari kenüh rülo küsüsü vü müvi üji mükümhieri küsuokütsü sa.

²⁴Thi Zera atsara atsa Meshezabel atsa Pethahia, Judah atsa tü anyiri kenüh zhühnyo aveh kajiwa ake vü peh.

²⁵Thi anyiri kenüh thuoüji azhuhri sanyie nü, Judah anyi wuori thuoüji Kiriatharba thi ma nyuri vü rho, thi Dibon thi ma nyuri vü, Jekabzel vü thi ma nyuri vü ti rho,

²⁶thi Jeshua vü thi Molada thi Betpelet vü,

²⁷Hazarshual vü, Beersheba vü thi ma nyuri,

²⁸Ziklag vü, Mekora vü thi ma nyuri vü,

²⁹Enrimon vü, Zorah vü, Jarmut vü,

³⁰Zanoa vü, Adulam, thi mari nyuri, Lakhish thi ma zhuhri, thi Azeba thi ma nyuri. Jüti sanü mari tü Beersheba vünüh Hinon nyuo küju kürünape sa.

³¹Benjamin nyiri nga Geba vünüh rhoküwa sa, Mikmash, Aija, Bethel thi ma nyuri vü,

³²Anathoth, Nob, Anania,

³³Hazor, Rama, Gitaim,

³⁴Hadid, Zeboim, Nebalat,

³⁵Lod, thi Ono, asienyiri anyuo.

³⁶Thi Judah vü Leviri küüsuo wuori Benjamin vü sarüke.