Read Pochuri Naga NEHEMIA 6 Bible Online

NEHEMIA 6 - Pochuri Naga bible

NEHEMIA 6

¹Jüsevü Sanballat, Tobia, Arabwa Geshem thi hiri mükünongüri küpari aveh vü, (jüma tsothovü küju hi nüh akheriri vü amükhieri müjiethse wie ketünga) hi nüh ashiehkuwa saküm thi jülaküühu küsü nga müküükhe zhühke vi mari vü küüza vü,

²Sanballat thi Geshem nüh wuori hi vü küze taji, “Ra nü Ono anyuküsü vünüh hiri kürü kümtuwa saluo,” ta küza. Thitü masü tü hi sakümnomna nta kürühke küveh wie.

³Jükenüh hi nüh zhühleküvüri masü vü küze taji, “Hi tü küüroh küji küsü saveh, tinü hi thuoüji mütururathuoh. Hi nüh nohsü vü turu nü mokenüh küürohwa tü kükhete na lo?” ti küza.

⁴Masü nüh hakümjie vünüh khemti müzükeri hi vü küze thi hinga hakümjie vünüh rületsü.

⁵Jüma kümjie vünüh Sanballat nüh amüngaawa ma siepewa vü lasi külielie küsü hi vü küze lehü.

⁶Jümawa lovü hakümjie rhüsaveh, “Akuohjiri azavü azhühkekütsü, thi Geshem nga jüma küzaveh, jüma tü noh thi Judahri tü saluo nta kürühke küveh wie; jükenüh noh tü shiehkuwa tü saveh; thi azhühke hama kümzhe noh tü mari kajiwa sangüveh.

⁷Thi noh tü noh kenüh Jerusalem vü küzhüchüh nta setsaküthsüri nga vizhu saveh, jüti sanü, ‘Judah vü kaji küsü pehveh,’ ti küsanta. Thi khinyi thuoüji jüma tü azhü hamari müzhe nü kajiwa vüzhühke tsünathuoh. Jükenüh khinyi raluo, kürü nü jüleluo naveh ünüh,” ta küza.

⁸Jüti küsa vü hi ma vü küze taji, “Noh nüh küüza üta zanyoküsü nga samsa, küpakenühnyunü jümari tü noh mpa noh müshe vünüh phahzhu küveh wie,” ta küüza kenüh,

⁹küpakenühnyunü mari aveh nüh hiri saküükrüngü müshe taji, “Mari ake tü küüroh vünüh jam nü jüma müsara nüh sam naveh,” ti küza. Thitü khinyi, O, Saküüwuowa, eh ke künyi sakükhratsüluo.

¹⁰Jüsevü hi tü Mehetabel atsa Delaia atsa Shemaia zheh vü wa, ma tü khethuoke pehveh, ma nüh, “Hisü kürü Saküüwuowa zheh, kükhurüzheh zhila vünüh mütu ünüh raluo, jüti sanü kükhurüzheh mükhiewa kheküm sa ünüh raluo; küpakenühnyunü mari tü ru arüza vünüh noh zothe nta saveh, mari tü arüza vü ru nohzothe na saküveh kenüh,” ti küza.

¹¹Thitü hi nüh, “Anyi ha hi kümjie küsa tü te naveh ülo? Thi anyi hi tü mowa nü kükhurüzheh lovü tu nü rho naveh ülo? Hi nüh alovü kütuwa nyu,” ti küza.

¹²Jüti küsa vü hi nüh thsüra nü Saküüwuowa nüh ma müküze tiküsa ngura, thitü ma tü Tobia thi Sanballat masü nüh ma kekütsü kenüh ma tü setsaküthsüzhü hi vü küphrake wie.

¹³Zhühnyo hama kenüh ma ke tsü nü hi tü küükrü nta thi lehkhuji hakümjie sanü küükhiemuo nta küsa vünüh hi vü kümsü anyo tsü nü hi müküchie sa nta küsa kenüh wie.

¹⁴O! eh Saküüwuowa, Tobia thi Sanballat masü nüh zanyo hamari küsamüzhe nü müshetüluo, thi setsaküthsüvühwa Noadia thi setsaküthsü küpari saküükrüri nga müshe tüluo.

¹⁵Jüti sanü asa türoawa rülo mükeke nü münga vü, rülo tünyiekenü künyi vünüh ashiehkuwa tü mülahra.

¹⁶Thi hiri mükünongüri aveh nüh jüma küünara vü akuoküji hiri mükieshe nü pehküvehri aveh tü krü thi mari mpa mari kütsotü tsuotsatewa; küpakenühnyunü küüroh hamatü Saküüwuowa kükhravünüh sakhehra ta küsa küthsüra kenüh.

¹⁷Jümpa mükünyu jüma tsothovü Judah sierhüri nüh lasi hozake Tobia vü küüze kenüh, thi Tobia lasi nga mari vü küru kenüh,

¹⁸küpakenühnyunü Judah vü hozake wienga küüshie vünüh ma vü küpeh kenüh, thi ma tü Ara atsa Shebania tühmuo küsa kenüh thi ma tsa Johanan nüh Berekhia atsa Meshulam atsavühwa vi mavüvüh sa.

¹⁹Jüsevü nga mari tü eh tüvü nüh ma küüroh kümhie küza. Thi Tobia nüh hi sakükr