Read Pochuri Naga ESTHER 9 Bible Online

ESTHER 9 - Pochuri Naga bible

ESTHER 9

¹Asa türakünyiawa, jüma tü Adar asawa rülo türakücheawa vü kajiwa nüh azhükütsü thi azhükütsüwa tü sana küsa vü, jüma khem taküsa rülo vü Judahra mükünongüri tü mari rügivü küthsükümshi lieke pehveh, thitü jüma khaphrü nü rülo küsü Judahri nüh mari küümaküshiri rügivü küthsükümshi küngura samtü.

²Judahri tü mari sakümnomna nti phahküvehri vü ake thse nti kajiwa Ahasuerus anyu aveh vü mari nyujiri vü sezhuh khe. Thi nyiküsü nga mari tüvü mütsiera nüh sam, küpakenühnyunü mari kükrü tü anyiri aveh rügivü teküru kenüh.

³Anyu vü kajitsari, aküjiri, kümkhrüri, thi kükaji küjiri nga Judahri kükra, küpakenühnyunü Mordekai kükrü tü mari rügivü teküru kenüh.

⁴Mordekai tü kajiwa zheh vü jim, thi ma kütholah tü anyu aveh vü nyuohteküwa kenüh; küpakenühnyunü Mordekai tü kükhrakükhra teküwa kenüh.

⁵Jüti sanü Judahri nüh anyuchuwa vi nü mari mükünongüri rehthe khehm, sühthe khehm, mari zorie khehm, thi mari kümrhüri vü jükümjie mari nüh sa.

⁶Susa suorezü vü mpa nüh Judahri nüh krepari müza münga müwiethe thi zoriem,

⁷jü mpa mükünyu Parshandatha, Dalphon thi Aspatha,

⁸Poratha, Adalia, Aridatha,

⁹Parmashta, Arisai, Aridai, Vaizatha,

¹⁰Hamedatha atsa Haman atsari türake, Judahri mükünongüwa ti müwiethem; thitü mari tü prüküvi vü thuoüji ake müthse.

¹¹Jüma rülo vünüh Susa nyuji vünüh müwiethe kümri küürühtü vi nü kajiwa vü azhühke tsüm.

¹²Thinü mari tü kajiwa nüh kajivühri Esther vü, “Susa nyuji vü Judahri nüh krepari müza türake ti müwiethemthuoh. Thinü mari tü kajiwa nyu küpari vü mowa samthuoh lo! Khinyi thuoüji noh nüh kükhuongü tü mowa lo? Jümatü noh vü satsü wie naveh. Thi jüma nyiehvü noh küzhieke mowa thuoh lo? Jüma sajutsüna küsa kenüh,” ti küna.

¹³Jüti küüna vü, “Kükütüküzü jüma tü kajiwa kümshe thuoüji Susa vü küpeh Judahri tü thuohtü nga nosü azhükütsü müzhe nü küüsa jie. Thi Haman atsa nyimpa türakeri tü kühuthuope thsoh rügi vünüh raküühuthuom luo,” ti küza.

¹⁴Jükenüh hama sa üti kajiwa nüh azhütsüm; küphrahzhu küsü tü Susa vü tsüküzem nü Haman atsa türakeri tü huthuom.

¹⁵Susa vü küpeh Judahri tü Adar asa rülo türamzü vü nga sezhuhlehü nü Susa vü krepari müza küche müwiethem; thitü mari tüprüküvi vü thuoüji ake küsü nga müthse.

¹⁶Jüti küsa vü kajiwa anyu vü küpeh Judahri nga mari kürho kenüh nyuote nti sezhuh nü mari mükünongüri vünüh luovehkürüzih ngura; thi mari kümrhüri anyie rürake nü müngamüwiethem; thitü prüküvi vü thuoüji mari ake küsü nga müthse.

¹⁷Hamatü Adar asa rülo türaküche vü, thi rülo türamzü vü thuoüji mari tü münyie nü kütsazhu thi aloküwie sa.

¹⁸Thitü Susa vü küpeh Judahri nü rülo türaküche thi türamzü vü sezhuh nü rülo türamnga vü münyie. Kütsaküzhu thi aloküwie rülo vehküsü sa.

¹⁹Jükenüh Judahra nyuri zhihthesuo alievü kürhori tü Adar asa rülo türamüzü vü aloküwie thi kütsazhu rülo vehküsü kümjie vünüh thi kümnyierülo küsa vünüh vi, thi ajisuo kürükari viküsü nüh küsü vü kütsüluo sa.

²⁰Mordekai nüh zanyo hamari zhüke kheh nü kajiwa Ahasuerus anyuri vü küpeh küshehnyi aveh vü rhüzhüle küze kheh,

²¹Adar asa rülo türamzüwa thi türamngawa vü mahvi kürüzhuvimzhe üti küza,

²²Judahri tü mari mükünongüri vünüh luoveh kürüzih küngu rülo küsükümjie makeria nüh luovehküna vünüh aloküwie thi küshükheke vünüh kümnyierülo küsü kümjie sateküru küsü sa üti; thi mari tü rülo hamari vi kütsazhu thi aloküwie kürüka jisuori vi küsü nüh küsü tsü thi kümkhuori vü aküte ti müsaji mümhieti zhüke.

²³Jüti küsa vü Judahri tü mari nüh satekütse thi Mordekai nüh marivü rhükütsü üti sa nti satewa,

²⁴küpakenühnyunü Hamedatha atsa Haman Agag Judahri aveh mükünongüwa nüh Judahri zorie nta mari vü aro phah, thi Pur, jüma tü aküzejake nü mari rehrieja thi zorieja nta küsa kenüh wie;

²⁵thitü Esther nüh kajiwa tüvü küru vü ma nüh akürhü vünüh azah tsü nü ma khuhkekümsü arokümsü küphahzhu nü ma nüh Judahri vü ma lü rügivü ru nü ma thi ma tsari tü kühuthuo thsohrügi vünüh huthuom üti sa;

²⁶Jükenüh mari nüh rülo hamari vi Pur müthoh vünüh Purim ti ji. Thi hama kenüh rhüzhüle hama vü aveh rhü küsa kenüh, thi hama zhühnyo kenüh mowa setu nüh, thi mari vü teru nüh,

²⁷Judahri tü azhühkho sanü jüma mari mpa mari rügivü mari küthsoküzhiri vü thi mari vü nyiküüpeke aveh vü vike vü nü mari tü müle wiethuoh nüh rülo ha künyi tü rhüküsa üta mahvi kürüzhu tsotho chieke küsawa vü müzhe naveh,

²⁸Jüti sanü awuhle aveh, atharuo, anyu, thi anyuji küsüküsü nga rülo ha künyi tü müshe thi sanü Purim rülo hamasü tü Judahri azavü müküvi müsatüm, nyutü mari küthsoküzhiri azavü rülo hakünyi kümshekele tü mükütuo nüh sana küsa kenüh.

²⁹Abihail tsavühwa kajivühwa Esther, thi Mordekai Judahwa masü nüh akürhü kükhra rhüzhüle vünüh Purim rülehwa aveh sakümzhotsü.

³⁰Rhüzhüleri tü Judahri aveh vü, müzakeri vü nga Ahasuerus kajipe anyu mükeke nü türüri vü, luovehkürüzih thi küzhütsa azhü vünüh tsü,

³¹Mordekai thi kajivühwa Esther nüh Judahri vü azhükütsüta, Purim rülo hamsü azale vü chieke küsa müzhe naveh ta mari mpa mari kenüh thi mari küthsoküzhiri kenüh mari assa küsa thi mari küülu sakümzhotsü.

³²Kajivühwa Esther nüh Purim zhühnyo küsa hamari teketsü nü jüma tü akürhü vünüh zhükesa.