Read Pochuri Naga JOB 1 Bible Online

JOB 1 - Pochuri Naga bible

JOB 1

¹[1] Uz azhih vü nyi küsü peh, ma nyo thuoüji Job; ma tü phrakümsü münyie thi kümüsho nyi küsü, Saküüwuowa[2] kükrü thi kümsü vünüh küsühleri küsü.

²Ma vü atsa nyimpari türü thi nyimzari küche ti wuotsü.

³Ma tü nyihzhü anyie türü, ut anyie küche, shüvotsa thsohkhuonyih küvü müza münga, rawuhküzahwa awie müza münga, thi asieperi khielota peh; jüta küsa vünüh anyi hamatü zhiehshu wuovü anyiri aveh nyiehvü aküjitsawa sa.

⁴Ma tsotho vü ma tsa nyimpari tü küsü nüh küsü azheh vü wa nü kütsazhu sasati; thi mari tü wuori küze nü mari tsehvüri küche rusoh nü mari sie kütsa küzhu sasati.

⁵Thi mari kütsazhu küsa rülori jumthuo üji Job nüh küze nü mari saküsüthathati, ma tü arüne kümto sühra nü mari küürüta müzhe taji kütso kükhurü sasati; küpakenühnyunü Job nüh, “Eh tsari tü khiemuo salanga mhieveh, thi mari luoveh vünüh Saküüwuowa müzü sala mhie küveh kenüh,” ta sasati. Hakümjie vünüh Job tü mükütuo thuoh nüh sasati.

⁶ Jüti küsa vü rülo küsü Saküüwuowa tsa nyimpari tü mari mpa mari vi nü VÜWA vü kütsa nti ru, thi Saküüwuowa nga mari aza vü ru.

⁷VÜWA nüh Saküüwuowa vü, “Noh tü khievü nüh ru lo?” ti küna. Saküüwuowa nüh VÜWA vü, “Azhih rügivü tsewa tseru, thi jüma rügivü tsekhru tsetsuo ti küsa vünüh,” ti rületsü.

⁸Thinü VÜWA nüh Saküüwuowa vü, “Noh tü eh siepewa Job tü azhih vü ma küthse münyie ta küsa kümte münyie thi kümsho anyi, ma tü Saküüwuowa krü thi kümsüwa vünüh sühletewawa ti küsa noh tü ma müshenono thuoh ülo?” ti küna.

⁹ Jüti küüna vü Saküüwuowa nüh VÜWA vü, “Job tü zanyoküsü nga mükünyu vünüh Saküüwuowa krüveh ülo?

¹⁰Noh nüh ma zheh thi ma zhi küpeh poteposhu awuowuo aveh arüpe thse mükiele müsa ülo? Ma ke nüh küüroh aveh noh nüh tsiatsüthuoh, thi azhih vü ma talori saküzhithuoh.

¹¹Thitü khinyi thuoüji noh ke thsuozhu nü ma nüh pehküveh aveh pa luo, ma nüh noh nyiehvü müzü naveh ünüh,” ti rületsü.

¹²Jüti küsa vü VÜWA nüh Saküüwuowa vü, “Halie, ma nüh pehküveh aveh thuoüji noh kükhra vü pehvehthuoh; ma rügivü mpa nüh noh ke müthsuoke tümluo,” ti küza. Thinü Saküüwuowa tü VÜWA tsatüvü nüh tse zhutewa.

¹³Jüti küsa vü rülo küsü ma tsa nyimpari thi nyimzari tü mari ajie nyimpa kükhruowa zheh vünüh tsazhuveh ünü;

¹⁴zhühleküvüri küsü ru nü Job vü, “Shüvotsari tü khahu thi rawuhküzahwari tü mari nato vünüh mürhuo pehveh;

¹⁵thinü Sabeanri tü ru mari vü joke taji jümari vitewa nü anyuchuwa ha nüh asieperi müwiethe khehm; thi noh vü küza nti hi mpa nüh mürietse,” ti küza.

¹⁶Ma nüh jüüta phra pehküveh vü küpari küsü ru le taji, “Atülü vünüh Saküüwuowa nyih tsuotsaturu nü anyihzhü thi asieperi tsothe khehm nü jümari tsoküramthuoh; thi noh vü küza nti hi mpa nüh mürietse,” ti küza.

¹⁷Ma nüh jüüta phraküvehvü küpari küsü ru le taji, “Kheldeari tü kürefü küche saru nü ut rügivü shupeh taji sietewathuoh, thi anyuchuwa vi nü asieperi müwiethe khehküm noh vü küza nti hi mpa nüh mürietse,” ti küza.

¹⁸Jüta ma nüh pehwie küveh vü küpari küsü ru nü, “Noh tsa nyimpari thi nyimzari tü mari kükhruowa zheh vünüh tsa zhu pehveh ünü;

¹⁹halie, amürhü küji küsü tü reza vünüh ru nü azheh jükeh müzü küchie taji jüma tü shefüra rügivü tsuohtsake nü mari tü sükhehmthuoh; thi hi mpa nüh noh vü küza nti mürietse,” ti küza.

²⁰Jüti küüza vü Job tü sühra nü ma kruzhu küühawa müzükhrihm, ma lü sem, thi azhih vü feke zeh nü khurü.

²¹Thi ma nüh, “Eh zah shiekuo lovü nüh hi tü anyiju ru, thi hi tü anyiju shele naveh; VÜWA nüh tsü, thi VÜWA nüh vitewathuoh; VÜWA nyo tü akütsiawa saluo,” ti küza.

²²Hama aveh vü Job tü mükhiemuo nyutü Saküüwuowa vü müküleh vi azhühzho mütsü.