Read Pochuri Naga JOB 17 Bible Online

JOB 17 - Pochuri Naga bible

JOB 17

¹Eh sietse tü kuomthuoh, eh rülori tü tetuthuoh, arüku tü eh kenüh küchemthuoh.

²Eh poteposhu vü küriesaripeh tsam, thi eh notha tü mari nüh arüsaküüshu vü pehm.

³Noh mpa hi vi nü shiete saluo; hi vü küütoh kütsüra thawa pehveh lo?

⁴Mari müshe nüh thsümshi na küsa, noh nüh khete kümtü kenüh, jükenüh noh tü mari nyievü kükhrawa nyuthuoh.

⁵Thawa nüh ma füra müthoh azanyo vi nta, mari luohsanü küthsüveh ünüh, ma tsara notha thuoüji küjum naveh.

⁶Ma nüh hi tü anyiri nüh küzhühnyuo vünüh hi satsü, thi hi tü anyiri nüh kümshüke atüvü küpehwa samthuoh.

⁷Asheküsü vünüh eh notha tü zoriemthuoh, thi eh satsari tü arüzhe küsü üta samthuoh.

⁸Kümsho nyiri tü hama vü nosü tewawati, thi mükünakhiewa ma mpa nüh anyi kümsüwa vü küke nü luohsa sati.

⁹Tü künyitsawa tü ma lehkhuji küjehkeveh, thi ake kümtsewa huoüji rho kümzhomzho waveh.

¹⁰Thitü nohri shele küru saluo, nohri aveh, thi hi tü nohri azhievü kümahtsari künguwa nyu.

¹¹“Eh rülori tü tewathuoh, eh kürüzheri tü kuoriemthuoh, eh luoveh nüh kümnguri.

¹²Mari nüh arüza vi arülo sam; Aküwiewa, mari nüh, ‘Küzowa vü shehnyimthuoh,’ ta saveh.

¹³Mükütüküzü hi nüh küsürazhie tü eh zheh ta phahm thuoüji, mükütüküzü hi nüh eh küjinyiezewa tü, aküzo vü lerie thuoüji;

¹⁴mükütüküzü hi nüh ashohku vü, ‘Noh tü eh pa,’ ta thuoüji, thi hi nüh ajienyu vü, ‘Eh zah,’ nyutü ‘Eh tsehvü,’ ta küza thuoüji,

¹⁵Khiela hi küluohzhe pehveh lo? Eh küluohzhe thawa nüh notü na lo?

¹⁶Jümatü küsürazhie rüpethsohri vü tetsuo naveh ülo? Hiri kürü azhitho lovü tekütu sanyi nü,” ti rületsü.