Read Pochuri Naga JOB 20 Bible Online

JOB 20 - Pochuri Naga bible

JOB 20

¹Jüti küüza vü Zofar Namatwa nüh rüle taji:

²Jükenüh eh kümshe nüh hi rüleveh, küpakenühnyunü eh küpresü eh lovü tüküm kenüh.

³Hi müküchie phraküümsü hi nüh künara, thi hi küthsükümshira vünüh asietse küsü nüh hi rületsü.

⁴Noh tü hama khana vünüh müthsü ülo, anyiri vi azhih hala küsa tsotho vünüh,

⁵Khukekümsüri kürhietsie tü mülum, thi anyikümsüra nyierakükhruo tü sütsuo küsü wie nyu ülo?

⁶Ma kru kümsie tü atülüri vü kuo ju wie ketünga, thi ma lü tü aküluri ju wie ketünga,

⁷ma mpa ma sü küthse küsuokürho pokahm wie naveh; ma ngu kümri thuoüji, ‘Ma tü khiela pehveh lo?’ ta sanaveh.

⁸Ma tü amoh küthse prü tewa naveh, thi mphahra; ma tü arüza kümohtsa küthse kükawa jam naveh.

⁹Anotha ma künguri tü ma müngu nüh samle naveh, nyutü ma pe tü ma müngu le nüh sawie nathuoh,

¹⁰ma tsari tü kümkhuora küütso phah naveh, thi ma ke tü ma künyirhie tsüm le naveh.

¹¹Ma rüri tü küviza küüthsoküthuo nüh pro, thitü jüma tü azhitho vü, ma sie küchuo tewa naveh.

¹²Ma mpa nüh khukekümsü tü ma po pro wie ketünga ma nüh jüma tü ma mpa nüh ma mizhi lovü küthi wie nga,

¹³ma nüh jüma küze na küsa mawie ketünga, thi ma po lovü nüh jüma müwiepeh ketünga,

¹⁴ma shie tü ma vo lovü nüh shelem naveh; jüma tü ma lovü kütü kümzhithe ase.

¹⁵Ma nüh künyirhie müzhuke nü küwuozhum leveh; ma vo lovü nüh Saküüwuowa nüh vizhu jamtü.

¹⁶Ma tü kümzhithe kümzhi nü ke naveh; arehsü mizhi nüh ma zothem naveh.

¹⁷Ma tü arühguri künowa nyu, akuzari tü awejuh thi tünüjuh kümkhori nüh liveh.

¹⁸Ma tü ma nüh küüroh kükhra athsovi tsüm le naveh, thi kümzhuke wa nyu, ma tü nyierakükhruora künguwa nyu,

¹⁹küpakenühnyunü ma nüh kümkhuori sanyahmthuoh, thi thera kümthuoh kenüh ma nüh müküsa azheh prüvimthuoh,

²⁰“küpakenühnyunü ma müwikümka tü kümnyie müküthsü kenüh, ma nüh khiemawa noloveh ünüh azanyo küsü nga kümshiewa nyu.

²¹Ma nüh zanyoküsü nga mütsatu; jükenüh ma kütsarhiewa tü hothake müwara.

²²Ma tü küwale sanü proküveh vü thuoüji ma tü mükümshera vü pehm naveh; kümnomna küwurie aveh ma vü ru naveh.

²³Ma vo saküpro nta Saküüwuowa nüh, ma rüküshu kükrükhrewa ma vü küze naveh, thi ashie kümjie ma rügivü rüketü naveh.

²⁴Ma tü amürü rietsokrü vünüh jote naveh, sahwuo shüchu küsü nüh ma müzhukükhari naveh.

²⁵Jüma tü nezhu nü ma satsa vünüh shuteru, ma se vünüh küüzih thsopo küsü shuru; saküükrüri ma vü teru.

²⁶Ma künyirhieku kenüh aküzo müthsüthsü thsemtüthuoh; anyih müküju küsü nüh ma zoriem naveh; ma juhthsüzheh lovü mowa kükhe saveh ünüh zoriem naveh.

²⁷Atülü nüh ma künakhie küthsüküngu naveh, thi azhihwa tü sühra nü ma sie saluo naveh.

²⁸Ma zheh vü kümkateri vitewa naveh. Saküüwuowa rükümtho rülo vü netewa naveh.

²⁹Hamatü Saküüwuowa vünüh khukekümsüra müthoh, ma kenüh Saküüwuowa nüh aka phrakemthuoh,” ti rületsü.