Read Pochuri Naga JOB 35 Bible Online

JOB 35 - Pochuri Naga bible

JOB 35

¹Jüta küüza vü Elihu nüh:

²Noh kümshe vü hatü müshoveh ti ülo? Noh tü, ‘Jümatü Saküüwuowa tüvü eh kümshothuoh,’ ti saveh ülo,

³noh nüh, ‘Hi tü mowa künyie pehveh lo? mükütüküzü hi nüh khiemuo thuoüji hi tü mokümjie mhiera na lo?’ ta küna.

⁴Hi nüh noh, thi noh siepehküveh noh füri vü rüle tsü naveh.

⁵Atülü vü noküze luo; thi aküluri nophohke luo, jümari tü noh nyieh vünüh müsieveh.

⁶Mükütüküzü noh nüh khiemuom thuoüji ma vü mowa juveh lo? Thi mükütüküzü noh nüh küphrüriewa tü saküzhimthuoüji noh tü ma vü mowa sa nti lo?

⁷Mükütüküzü noh nüh nyitsaveh thuoüji noh tü ma vü mowa tsü na lo, nyutü ma tü noh ke vünüh mowa ngu na lo?

⁸Noh khukekümsü tü noh kümjie küsa anyi sakümsüveh, thi noh künyitsanüh anyiri atsa küsü sakütsazaveh,

⁹küpakenühnyunü khielohta kümrü vünüh anyiri tü krieveh; akükhrari apie kenüh mari tü küükra jiveh.

¹⁰Thitü nyi küsü nga nüh, ‘Saküüwuowa eh Saküüjewa khiela pehveh lo, arüza vü ma nüh azah kütsüwa,

¹¹azhih vü samwari nyiehvü nüh hiri küsosiewa amürhü vü prükütse müwari nyieh vünüh hiri samükümtsa ülo?’ ta müküza.

¹²Mari nüh zie shuru, thitü ma nüh mürüle, kümsü nyiri kükuoti kenüh.

¹³Saküüwuowa tü kürütso küzie müküna tsa, nyutü kükhratsawa tü jüma müchieke.

¹⁴“Noh nüh ma müngu ta küsa vü küzakele nga zülaveh lo, ashihwa tü ma tüvü pehveh, thi noh tü ma huo pehveh!

¹⁵Job tü mazhühnyo mükünyie vünüh ma po ga, thi ma tü küphrürie kenüh mükheke sheh,

¹⁶Job tü azhü mükünyu phrahte, aküthsü mükünyu vünüh ma nüh azhü saküzhi,” ti küza.