Read Pochuri Naga JOB 41 Bible Online

JOB 41 - Pochuri Naga bible

JOB 41

¹Noh tü müluokhu nüh ajuhmie tiezhura naveh ülo, nyutü akuli küsü vi nü ma mizhi phehtera naveh ülo?

²Noh tü ma nyaku vü ali thsera naveh ülo, nyutü athsohkhu küsü vi ma khakhe wephie ra naveh ülo?

³Ma tü noh vü zhiekekükhuo hozake sanaveh ülo? Ma tü noh vü azhü kürünyi phrahte naveh ülo?

⁴Ma tü noh sie kütsathuo sanaveh ülo, küsuokürho ma vi nü noh siepe sana küsa kenüh?

⁵Amüwa küsü vü kümjie noh tü ma sie saküzhie naveh ülo, nyutü noh tü noh rülavü kenüh ma vi nü ashuhkuli vü thse naveh ülo?

⁶asüküsari tü ma vü she naveh ülo? Mari tü asüküsari azhievü nüh ma küsuom naveh ülo?

⁷Noh tü angaküshütheviri vi nü, ma sahu saküprotsüra naveh ülo, nyutü angaküshü avi nü ma lü saküpro ra naveh ülo?

⁸Ma vü ake thse luo; ariepe müshenoluo; noh tü jüma küsa lewa nyuthuoh!

⁹Halie, anyiri küluohzhewa tü lokhumthuoh; ma notha vü ma nüh kürünyievü thsemthuoh.

¹⁰Nyi küsü nga nüh aheze nü ma saküüjoke ravüh nyu. Thinü jütathuoüji thawa nüh eh tüvü tsiera naveh lo?

¹¹Thawa nüh hi tsü lo, hi nüh ma thuole üta? Atülü kükhuvü momowa pehveh ünüh eh zhi kheh.

¹²“Ma satsamahnyori kenüh hi tü zota küpehwa nyu, nyutü ma kükhra kümzho, nyutü ma tsonyie kümhie.

¹³Thawa nüh ma thsümnyi anyiehwa fora naveh lo? Thawa nüh ma riesarie küsazhekruzhu küshehkhrie vehphietura na lo?

¹⁴Thawa nüh ma nyieh mükhiewa sara naveh lo? Ma hari kümkiele tü kükrüküngo.

¹⁵Ma seru tü shühieh kümzhuchuh nüh feteküm üta khephohm.

¹⁶Küpephohkeluo nü mari azhievü tü, amürhü küsü nga mükütura sa.

¹⁷Mari küsü nüh küsü vü küperüluo; mari tü küsü nüh küsü vü khekeluo thi vimküüpara sa.

¹⁸Ma kühathsih nüh aküwie kühohzhu, ma nothari tü küthorie nohu kümjie.

¹⁹Ma po vünüh anyihthi nyihzhu shuwa anyih vi jozhu wa.

²⁰Ma nyaku vünüh anyikhu shuru, küluoküveh küfü thi tsoshu küüze kümjie küsa vünüh.

²¹Ma rühtho vünüh anyihieri tso, thi ma po vünüh anyihzhu shuru.

²²Ma ku vü akükhra küpekeveh, thi ma tüvü kükrüküngo tsih pehveh.

²³Ma sazhü küüvükeluo tü küperüveh, ma rügivü küpephohke thi müküüngahra sa.

²⁴Ma luoveh tü aloh üta kho, lohsuokhre asajiwa zake kho.

²⁵Ma tü ma mpa küsühra vü akükhrawa tü krükrüti; küülorie vü mari tü mari nato vü pehveh.

²⁶Anyuchuwa nüh ma phah wie ketünga, nyutü avi nga, ashüchu, nyutü awiephrü nga mürhüke.

²⁷Ma nüh amürü tü amaguo kümjie chieke, thi asahwuo tü athsoh kümi kümjie chieke.

²⁸Ashüchu tü ma samkütera; ma kenüh thumkavühloh tü khuozhikuoh jetewawati.

²⁹Athsoshiri tü khuozhikuoh kümjie vünüh chieke; ma tü awiephrü küüzho riesa.

³⁰Ma lovü tü küfükükuorie akütsu kümjie; ma tü ajuhkünyi rügivü kürütsepe kürüshevüh kümjie ma mpa nüh ma kurüsheke.

³¹Ma nüh aküsheh küüluo tü aküfü küsü kümjie sasati; ma nüh juhküji tü avüjuh küfü küsü kümjie sasati.

³²Ma tü ma sevü ajuh küüzüh küürieh küsü sa; wuori nüh aküsheh tü küwechütü nta müshe naveh.

³³Azhih rügivü ma küthse münyie luo, saküjeküsa mükrü.

³⁴Ma nüh zanyo kümsieri nonoti; ma tü kürhieza atsari aveh nyiehvü kajiwa,” ti küza.