Read Pochuri Naga JOB 5 Bible Online

JOB 5 - Pochuri Naga bible

JOB 5

¹Khinyi jiluo; noh rüle na küsa wuori pehveh ülo? Noh tü kümtse khiemawa vü wa nti lo?

²Luoveh saküümsü tü zanyo mküthsüri zothe tsaveh, thi noküüjizhi tü amüshe küsajiri fethemümti.

³Zanyo mküthsüri rüzoh chake küveh hi nüh ngu, thitü zhürüluo hi nüh ma kürhope müzümtü.

⁴Ma tsari tü küloji vünüh letsuo mthuoh, mari tü akheri vünüh küchenyah mthuoh, thi nyi küsü nga nüh mari küvizhu münyie.

⁵Ma nüh kümahwie kürümari nüh tsa, thi ma nüh jüma rüzhüri vü nga nüh viviti; thi kaküümzhah küüriehri tü ma sevütse,

⁶küpakenühnyunü kümnomna tü azhitho vünüh müküru kenüh, nyutü küsühro tü azhih vünüh müshizhu;

⁷thitü anyiri tü sühro nta wuo saveh, anyihvi rügivü prükükuo üta.

⁸Eh kenüh thuoüji, hi Saküüwuowa phah naveh, thi hi nüh eh zhühkewa Saküüwuowa vü tsüm naveh;

⁹ma tü zanyo küjiri thi müküphahra zanyori sasati, mküürührhüra kükrüküngo zanyori sa:

¹⁰azhih vü ma nüh atsohrü tsüveh thi azhuhri vü ajuhri küzeveh;

¹¹küsajiri ma nüh kümsie vü saveh, thi küüluri ma nüh kütote vü khakeveh.

¹²Ma nüh aro kümhiera kümshe momaküsa samtütüti, jüta küsa vünüh mari akeri saküüji küsara münyie.

¹³Ma nüh kümahtsari mari arokümhie vünüh siesieti; thi aro kümsüra kürüzheri tü shita sehkhe vü viteraveh.

¹⁴Arülo vü mari tü aküzo siemtuveh, thi arüza vü üta rünyiküzeto vü nga rüpa.

¹⁵Thitü ma nüh apa mükünyieri mari po vünüh küloleveh, kümzhori ake vünüh küthohtsari küloleveh.

¹⁶Jükenüh kümkhuori tü küluohzhe peh, thi mükümsho nüh ma po küwutemtütüti.

¹⁷Halie, Saküüwuowa nüh saküümsho anyiwa tü loküzhe; jükenüh kükhratsawa nüh phraküsosie müma tüm,

¹⁸küpakenühnyunü ma nüh sakümsamna tsü küveh kenüh, thitü ma nüh rietetsütsüti; ma nüh kürhietsüveh, thitü ma kenüh sakükutsütsüti.

¹⁹Küsühro türo vünüh ma nüh noh vizhu naveh; türü vü thuoüji kümsü küsü nga nüh noh küpawa nyuthuoh.

²⁰Kümkhuojih aküsü vünüh ma nüh noh rhehsanaveh, thi arie vü anyuchuwa kükhra vünüh rhehsanaveh.

²¹Noh tü amizhi nüh kürhiekütsü vünüh küüthi naveh, thi küzorie küru vü noh tü jüma kükrüwa nyu.

²²Küzorie vü thi kümkhuojih vü noh tü kükhri naveh, thi azhih vü samwari kükrüwa nyu,

²³küpakenühnyunü noh tü azheh vü alohri sie tsarü naküvehthuoh kenüh, thi azhuh vü samwari tü noh sie kamnathuoh.

²⁴Noh juhthsüzheh tü totemthuoh ta küsa noh tü thsü nathuoh, thi noh tü noh küpehku no naveh tü zanyo küsü nga küüsewa nyu.

²⁵Noh küthsoküzhi nga khielohta naveh ta küsa noh tü thsü naveh, thi noh tsatoriwa tü azhih vü apra kümjie naveh.

²⁶Noh tü khruo küze mahvi vünüh noh rüku vü ru naveh, mütha küshih küsü ma zale vü kürütsepe vü teküru üta.

²⁷Halie, hiri nüh hama phahthuoh; jüma tü azhütsa. Künaluo, thi noh kümhie kenüh thsüluo, ti rületsü.