Read Pochuri Naga KÜREIHIRI 112 Bible Online

KÜREIHIRI 112 - Pochuri Naga bible

KÜREIHIRI 112

¹VÜWA siake. VÜWA kükrü nyiwa thuoüji kütsia küvüwa, ma thuoüji ma nüh azhükütsüri vü nolo!

²Ma küthsoküzhiri tü azhih vü khrasheke naveh; kümshowa wuhle tü tsiakütsü naveh.

³Ame thi künyirhie ri tü ma zheh lovü pehveh; thi ma künyitsa tü küsuokürho pehra veh.

⁴Kümshora kenüh aküzovü aküwie shura veh; VÜWA tü lozhisheh, lohnasheh, thi nyitsasheh.

⁵Anyi thawa nüh lozhe thi aküna tsü veh ünüh, jüma tü mühie sheh veh, thawa nüh kümsho vinü ma küüro saveh ünüh,

⁶küpakenühnyunü künyitsari thuoüji, piketü küüsewa nyu; ma thuoüji müsheke peh huo wie naveh.

⁷Ma thuoüji kümsü zhühwari kükrüwa nyu; ma luoveh tü mzhosheveh, VÜWA vü tsotü nü.

⁸Ma luoveh tü kütoshemü, ma thuoüji kükrüwa nyu, ma küwuluori vü ma küsangü müjie küngu küju nü.

⁹ Ma nüh müjuju suo, ma nüh kümkhuori vü tsü; ma künyitsa tü küsuokürho pehveh; ma rütsü tü küchiekürhe vünüh sakümsiemthuoh.

¹⁰Kümsüküsa nyiwa tü jüma ngu nü arüshushuti, ma tü ma ha hahri nü ratewawati; kümsüküsa nyiwa küsangü tü, ratewaveh.